மேஷம்:
ராசிக்குசுகாதிபதிசந்திரன் இரண்டாம் இடத்தில் இருப்பதால்,கடந்த இரண்டுநாட்களாக
கணவன்,மனைவிக்குள்இருந்த கோபங்கள் நீங்கும்.பணவரவு நன்றாக
இருக்கும். நேர்மறை எண்ணங்கள் பிறக்கும். வியாபாரத்தில் திடீர் லாபம் உண்டு. உத்யோகத்தில் இழந்த சலுகைகளை மீண்டும் பெறுவீர்கள். தடைகள் உடைபடும் நாள். குடும்பத்தில் இனிமை தவழும்.
ரிஷபம்:
ராசிக்கு மூன்றாம் அதிபதி சந்திரன் ராசிக்குள் செல்வதால் பழைய கசப்பான அனுபவங்கள் நினைவுக்கு வரும். கிருத்திகை நட்சத்திரக்காரர்கள் எதிலும் நிதானித்து செயல்படுவது நல்லது. குடும்பத்தினருடன் வீண் வாக்குவாதம் வரும். வியாபாரத்தில் வசூல் மந்தமாக இருக்கும். உத்யோகத்தில் அதிகாரிகளை நம்பி பெரிய முடிவுகள் எடுக்க வேண்டாம். விட்டுக் கொடுத்துச் செல்ல வேண்டிய நாள்.
மிதுனம்:
ராசிக்கு இரண்டாம் அதிபதி சந்திரன்,பனிரெண்டாம் இடத்தில இருப்பதால்,கணவன்,
மனைவிக்குள் அனுசரித்துப் போவது நல்லது. உடல் நலத்தில் கவனம் தேவை. எதிர்பாராத பயணங்களும், செலவுகளும் வந்துபோகும். வியாபாரத்தில் போராடி லாபம் ஈட்டுவீர்கள். உத்யோகத்தில் சக ஊழியர்களால் பிரச்னைகள் வரக்கூடும். போராடி வெல்லும் நாள்.
கடகம்:
ராசியாதிபதி சந்திரன் லாபத்தில் உச்சம் பெறுவதால்,சுறுசுறுப்புடன் செயல்பட்டு தேங்கிக் கிடந்த வேலைகளை முடிப்பீர்கள். உடன்பிறந்தவர்கள் உங்கள் நலனில் அதிக அக்கறை காட்டுவார்கள். பிரபலங்கள் உதவுவார்கள். வியாபாரத்தில் புது பங்குதாரரை சேர்ப்பீர்கள். உத்யோகத்தில் மேலதிகாரி மதிப்பார். சிறப்பான நாள்.
சிம்மம்:
ராசிக்கு விரயாதிபதி ,பத்தாம் இடத்தில இருப்பதால்கணவன்,மனைவிக்குள் அன்யோன்யம் பிறக்கும். உறவினர்களால் ஆதாயம் உண்டு. வர வேண்டிய பணம் கைக்கு வரும். வியாபாரத்தில் சில விரையங்கள் ஏற்பட வாய்ப்புண்டு.. உத்யோகத்தில் உயரதிகாரி உங்களை முழுமையாக நம்புவார். திடீர் திருப்பம் ஏற்படும் நாள்.
கன்னி:
ராசிக்கு லாபாதிபதி,ஒன்பதில் கடந்த இரண்டு நாட்களாக இருந்த சலிப்பு, சோர்வு, கோபம் யாவும் நீங்கும். குடும்பத்தில் மகிழ்ச்சி தங்கும். வெளிவட்டாரத்தில் மதிக்கப்படுவீர்கள். வியாபாரத்தில் இழந்ததை மீட்பீர்கள். உத்யோகத்தில் சக ஊழியர்களின் ஆதரவு கிட்டும். புது அத்தியாயம் தொடங்கும் நாள்.
துலாம்:
ராசிக்கு பத்தாம் அதிபதி,எட்டில் சந்திராஷ்டமம் தொடங்குவதால் உணர்ச்சி வசப்படாமல் இருங்கள். குடும்ப அந்தரங்க விஷயங்களை யாரிடமும் பகிர்ந்து கொள்ள வேண்டாம். அடுத்தவர்களை குறை கூறுவதை நிறுத்துங்கள். வியாபாரத்தில் வேலையாட்களால் டென்ஷன் அதிகரிக்கும். உத்யோகத்தில் கூடுதலாக வேலை பார்க்க வேண்டி வரும். யாரிடமும் வாக்குவாதம் செய்ய வேண்டாம். பொறுமை தேவைப்படும் நாள்.
விருச்சிகம்:
ராசிக்கு பாக்கியாதிபதி, ஏழாம் இடத்தில் உங்கள் திறமைகளை வெளிப்படுத்த நல்ல வாய்ப்புகள் கிடைக்கும். சகோதர வகையில் உதவிகள் கிடைக்கும். ஆடை, ஆபரணம் சேரும். வியாபாரத்தில் எதிர்பார்த்த லாபம் வரும். உத்யோகத்தில் சக ஊழியர்களுக்கு உதவுவீர்கள். பிரார்த்தனைகள் நிறைவேறும் நாள்.
தனுசு:
ராசிக்கு எட்டுக்குடையோன்,ஆறில் பணப்புழக்கம் அதிகரிக்கும். குடும்பத்தில் உள்ளவர்களின் உணர்வுகளை புரிந்து கொண்டு அதற்கேற்ப உங்களை மாற்றிக் கொள்வீர்கள். பிரபலங்கள் அறிமுக மாவார்கள். வியாபாரத்தில் அதிரடியான திட்டங்களை தீட்டுவீர்கள். உத்யோகத்தில் உங்கள் கை ஒங்கும். திடீர் யோகம் கிட்டும் நாள்.
மகரம்:
ராசிக்கு ஏழுகுடையோன்,ஐந்தில் வருங்காலத் திட்டத்தில் ஒன்று நிறைவேறும். உறவினர்களில் உண்மையானவர்களை கண்டறிவீர்கள். அக்கம்,பக்கம் வீட்டாரின் அன்புத் தொல்லைகள் நீங்கும். வியாபாரத்தில் புது வாடிக்கையாளர்கள் அறிமுகமாவார்கள். உத்யோகத்தில் திருப்தி உண்டாகும். நினைத்ததை முடிக்கும் நாள்.
கும்பம்:
ராசிக்கு ஆறுகுடையோன்,நான்காம் இடத்தில் சகோதர வகையில் நன்மை உண்டு. பழைய கடனை தீர்க்க புது வழி யோசிப்பீர்கள். தாயாரின் உடல் நலத்தில் கவனம் தேவை. உங்கள் உடல் நலத்தையும் கவனித்து கொள்ளவும்.வியாபாரத்தில் அதிரடி மாற்றம் செய்து லாபம் ஈட்டுவீர்கள். உத்யோகத்தில் பணிகளை போராடி முடிப்பீர்கள். எதிர்பார்ப்புகள் பூர்த்தியாகும் நாள்.
மீனம்:
ராசிக்கு ஐந்தாம் அதிபதி,மூன்றில் பேச்சில் முதிர்ச்சி தெரியும். பிள்ளைகளால் சமூக அந்தஸ்து உயரும். அதிகாரப் பதவியில் இருப்பவர்கள் அறிமுகமாவார்கள். வியாபாரத்தில் பழைய வேலை யாட்களை மாற்றுவீர்கள். உத்யோகத்தில் உங்களின் உழைப்பிற்கு பாராட்டு கிடைக்கும். வெற்றிக்கு வித்திடும் நாள்.
-- அன்புடன் ஜோதிடர் மதி
