வால் பையன்

நட்பால் ஆதாயம் உண்டு. கலைப் பொருட்கள் வாங்குவீர்கள். தாயாருடன் வீண் விவாதங்கள் வந்து போகும். வியாபாரத்தில் அதிரடி மாற்றம் செய்து லாபம் ஈட்டுவீர்கள். உத்யோகத்தில் எதிர்ப்புகளை தாண்டி முன்னேறுவீர்கள். எதிர்பாராத உதவி கிட்டும் நாள்.

ரிஷபம்:
தைரியமாக சில முக்கிய முடிவுகள் எடுப்பீர்கள். உடன் பிறந்தவர்கள் உங்கள் நலனில் அதிக அக்கறை காட்டுவார்கள். அரசால் அனுகூலம் உண்டு. வியாபாரத்தில் புது யுக்திகளை கையாளுவீர்கள். உத்யோகத்தில் உங்கள் கருத்துக்கு ஆதரவு பெருகும். நினைத்ததை முடிக்கும் நாள்.

மிதுனம்:
குடும்பத்தினர் உங்கள் ஆலோசனையை ஏற்பர். கைமாற்றாக கொடுத்த பணத்தை வசூலிப்பீர்கள். புதியவர்கள் நண்பர்களாவார்கள். வியாபாரத்தில் புது முதலீடு செய்வீர்கள். உத்யோகத்தில் உங்கள் உழைப்புக்கு அங்கிகாரம் கிடைக்கும். மனசாட்சிப்படி செயல்படும் நாள்.

கடகம்:
இரவு 8 மணி வரை ராசிக்குள் சந்திரன் இருப்பதால் ஒருவித படபடப்பு வந்து செல் லும். ஆயில்யம் நட்சத்திரக்காரர்கள் வெளி உணவுகளை தவிர்ப்பது நல்லது. பிள்ளைகளின் வருங்காலம் குறித்து யோசிப்பீர்கள். வாகனம் தொந்தரவு தரும். உத்யோகத்தில் மறைமுக எதிர்ப்புகள் வந்து நீங்கும். நாவடக்கம் தேவைப்படும் நாள்.

சிம்மம்:
விடாப்பிடியாக செயல்பட்டு சில வேலைகளை முடிப்பீர்கள். உறவினர்கள் சிலர் பணம் கேட்டு நச்சரிப்பார்கள். வாகனத்தில் கவனம் தேவை. வியாபாரத்தில் போட்டிகளை சமாளிப்பீர்கள். உத்யோகத்தில் பொறுப்புகள் அதிகரிக்கும். இரவு 8 மணி முதல் ராசிக்குள் சந்திரன் செல்வதால் எச்சரிக்கை தேவைப்படும் நாள்.

கன்னி:
கொடுத்த வாக்குறுதிகளை நிறைவேற்றுவீர்கள். பெற்றோர் ஒத்துழைப்பார்கள். பிரபலங்கள் உதவுவார்கள். உறவினர்களால் ஏற்பட்ட பிரச்னைக்கு தீர்வு காண்பீர்கள். உத்யோகத்தில் உங்களை நம்பி மூத்த அதிகாரி சில பொறுப்புகளை ஒப்படைப்பார். உற்சாகமான நாள்.

துலாம்:
பிள்ளைகளால் உறவினர்கள், நண்பர்கள் மத்தியில் அந்தஸ்து உயரும். அதிகாரப் பதவியில் இருப்பவர்கள் அறிமுகமாவார்கள். எதிர்பாராத உதவிகள் கிடைக்கும். வியாபாரத்தை விரிவுபடுத்துவீர்கள். உத்யோகத்தில் உங்கள் கை ஒங்கும். முயற்சிகள் பலிதமாகும் நாள்.

விருச்சிகம்:
கணவன்,மனைவிக்குள் அன்யோன்யம் பிறக்கும். ஆனால், கேட்டை நட்சத்திரக் காரர்களுக்கு டென்ஷன் வந்து போகும். நீண்ட நாட்களாக தள்ளிப்போன காரியங்கள் இன்று முடியும். வியாபாரத்தில் திடீர் லாபம் உண்டு. உத்யோகத்தில் உயரதிகாரி உங்களை முழுமையாக நம்புவார். மகிழ்ச்சி தங்கும் நாள்.

தனுசு:
இரவு 8 மணி வரை சந்திராஷ்டமம் தொடர்வதால் எதிர்பார்த்த காரியங்கள் அலைச் சலின் பேரில் முடியும். நண்பர்கள், உறவினர்களுடன் உரிமையில் வரம்பு மீறி பேச வேண்டாம். லேசாக தலை வலிக்கும். வெளிவட்டாரத்தில் நிதானம் அவசியம். வியாபாரத்தில் புதிய முயற்சிகள் தள்ளிப் போய் முடியும். வளைந்து கொடுக்க வேண்டிய நாள்.

மகரம்:
பிள்ளைகள் உங்கள் அறிவுரையை ஏற்றுக் கொள்வார்கள். தெய்வீக ஈடுபாடு அதி கரிக்கும். தாயார் ஆதரித்து பேசு வார். வியாபாரத்தில் பாக்கிகள் வசூலாகும். உத்யோகத்தில் மேலதிகாரி உதவுவார். இரவு 8 மணி முதல் சந்திராஷ்டமம் தொடங்குவதால் முன்யோசனையுடன் செயல்பட வேண்டிய நாள்.

கும்பம்:
குடும்பத்தாரின் ஆதரவு பெருகும். கேட்ட இடத்தில் உதவிகள் கிடைக்கும். உறவினர்கள், நண்பர்களால் நன்மை உண்டு. வியாபாரத்தில் அதிரடியான திட்டங்களை தீட்டுவீர்கள். உத்யோகத்தில் கௌரவப் பொறுப்புகள் தேடி வரும். திடீர் திருப்பம் ஏற்படும் நாள்.

மீனம்:
புதிய முயற்சிகள் யாவும் வெற்றியடையும். ஆனால், ரேவதி நட்சத்திரக்காரர்களுக்கு அலைச்சல் அதிகரிக்கும். உங்களை சுற்றியிருப்பவர்களின் சுயரூபத்தை புரிந்து கொள்வீர்கள். வியாபாரத்தில் நெளிவு, சுளிவுகளை கற்றுக் கொள்வீர்கள். உத்யோகத்தில் திருப்தி உண்டாகும். புதுமை படைக்கும் நாள்.

வைகாசி மாதம் 6ம் நாள், வியாழக் கிழமை,
வளர்பிறை. சப்தமி திதி இரவு மணி 7.17 வரை; பிறகு, அஷ்டமி திதி. சித்தயோகமுடைய ஆயில்யம் நட்சத்திரம் இரவு மணி 8.16 வரை; பிறகு, அமிர்தயோகமுடைய மகம் நட்சத்திரம். நேத்திரம், ஜீவனுள்ள கீழ்நோக்கு நாள்.
நல்ல நேரம்:
காலை மணி 9&12, மாலை 4&7, இரவு 8&9 மணி வரை.
பொதுப் பலன்:
ஆழ்குழாய் கிணறுகள் அமைக்க, வழக்குள் பேசி முடிக்க நன்று.
ராகு காலம்: 1.30 to 3.00
எமகண்டம்: 6.00 to 7.30
மேற்கண்ட நேரங்களில் சுபகாரியங்கள் தவிர்க்கவும்
சந்திராஷ்டமம்: உத்திராடம்,திருவோணம் நட்சத்திரங்கள்(மகர ராசி)
மேற்கண்ட ராசிக்காரர்கள் வீண் விவாதங்களையும்,புதிய முயற்சிகளையும்
தவிர்க்கவும்.

இதனால் சென்னையில் பாரிமுனை, பூங்கா நகர், பெரம்பூர் ஜமாலியா, கன்னிகாபுரம், ஜெனரல்பேட்டர்ஸ் சாலை, ஜாம்பஜார், நுங்கம்பாக்கம் ஸ்டெர்லிங் ரோடு, ஆழ்வார்பேட்டை, தி.நகர், கோடம்பாக்கம் உட்பட பல இடங்களில் சாலைகளில் மழைநீர் தேங்கி குளம்போல் காட்சியளித்தது. ரயில்வே சுரங்கப்பாதைகள், அண்ணாசாலை, ஈ.வெ.ரா.சாலை ஆகியவற்றிலுள்ள சுரங்கப்பாதைகளிலும் மழைநீர் தேங்கியது.
ஆழ்வார்பேட்டை, மயிலாப்பூர், அசோக்நகர், கே.கே.நகர், பெசன்ட் நகர், தி.நகர், கீழ்பாக்கம் உள்பட பல்வேறு இடங்களில் 30க்கும் மேற்பட்ட மரங்கள் விழுந்தன. இதனால் போக்குவரத்து பாதிக்கப்பட்டது. சில இடங்களில் விழுந்த மரங்களை அந்த பகுதியில் இருந்தவர்களே அப்புறப்படுத்தினர்.
பெரும்பாலான பஸ் நிறுத்தங்களில் மழைநீர் தேங்கியதால் பயணிகள் சிரமப்பட்டனர். பல இடங்களில் ஆட்டோ, மோட்டார் சைக்கிள்கள் மழைநீரில் சிக்கி நின்றுவிட்டன.
மயிலாப்பூர் விவேகானந்தா கல்லூரி எதிரிலுள்ள சாலையில் மழைநீர் தேங்கி ஏரிபோல் காட்சியளித்தது. இந்த பகுதியில் வந்த ஆட்டோ, மோட்டார் சைக்கிள்கள், கார்கள் பழுதாகி நின்றன. வடபழனி, அய்யப்பன்தாங்கல், தி.நகர், திருவான்மியூர் உள்ளிட்ட பஸ் நிலையங்களில் மழைநீர் தேங்கி குளமாக மாறின.
மழைநீர் வடிகால்வாய்களில் துவாரங்களில் பிளாஸ்டிக் பை போன்றவை அடைத்துக் கொண்டதால் மழைநீர் வெளியேற வழியின்றி சாலையில் தேங்கியது. மழைநீரை அகற்றவும், சாலைகளில் விழும் மரங்களை வெட்டி அகற்றவும் தேவையான கருவிகளை வார்டு அலுவலகங்களுக்கு மாநகராட்சி வழங்கியுள்ளது. ஆனால் இவற்றை பயன்படுத்தி மழைநீரை அகற்றும் பணியை வார்டு ஊழியர்கள் மூலம் மேற்கொள்ள உதவி பொறியாளர்கள் நடவடிக்கை எடுத்ததாக தெரியவில்லை. சில இடங்களில் மட்டுமே மாநகராட்சி ஊழியர்கள் மழைநீர் அகற்றும் பணியில் ஈடுபட்டனர்.
நடைபாதை வியாபாரிகள் தவிப்பு: அதிகாலை முதலே மழை பெய்ததால் திருவல்லிக்கேணி, ஜாம்பஜார், மயிலாப்பூர், லஸ், புரசைவாக்கம், வண்ணாரப்பேட்டை, அமைந்தகரை ஷெனாய் நகர், சைதாப்பேட்டை, தேனாம்பேட்டை, தி.நகர், பாண்டிபஜாரில் உள்ள நடைபாதை வியாபாரிகள் பலரும் கடைகளை திறக்கமுடியாமல் அவதிப்பட்டனர். வழக்கமாக பகல் 12 மணிக்கே மக்கள் கூட்டம் சேரும் மெரினா கடற்கரை, நேற்று வெறிச்சோடி காணப்பட்டது.
வடசென்னையில் கடலோரப்பகுதிகளான எண்ணூர், திருவொற்றியூர் போன்ற பகுதிகளில் நேற்று முன்தினம் நள்ளிரவு முதல் பலத்த சூறாவளி காற்றுடன் கன மழை பெய்தது. இதனால் கடல் கொந்தளிப்பு ஏற்பட்டு, ராட்சத அலைகள் உருவாகி, கடலோரத்தில் வசிக்கும் மீனவர்களின் குடிசைகளில் கடல் நீர் புகுந்துள்ளது.
எண்ணூர் காட்டுக்குப்பம், சிவன்படைவீதி, திலகர்நகர், சத்தியவாணிமுத்துநகர், நேருநகர் போன்ற இடங்களில் சிமென்ட் ஓடு, தகடு ஆகியவற்றால் அமைக்கப் பட்ட கூரைகள் காற்றில் பறந்து 200 மீட்டர் தூரத்திற்கு அப்பால் வீசப்பட்டன. இதனால் பீதியடைந்த பொதுமக்கள் நள்ளிரவில் வீடுகளை விட்டு வெளியேறி தெருக்களுக்கு ஓடி வந்தனர். ஓலை குடிசைகள் கீழே சாய்ந்ததோடு, வீட்டின் சுவர்களும் இடிந்து விழுந்தன. எண்ணூரில் சுமார் 500க்கும் மேற்பட்ட வீடுகள் சேத மடைந்து, பல லட்சம் ரூபாய் மதிப்பிலான டிவி, பீரோ, கட்டில் உள்ளிட்ட பொருட் கள் நாசமாயின.

சீனாவில் மக்கள்தொகையைக் கட்டுப்படுத்த 1978ம் ஆண்டே அரசு அதிரடி நடவடிக்கை எடுத்தது. ஒரு குடும்பம், ஒரு குழந்தை கொள்கையை அறிவித்தது. அதனால், திருமணம் செய்து ஒரு குழந்தையோடு நிறுத்தி விடும் மக்களில் பெரும்பாலோர் வயதில் அரை சதம் அடித்தாலும், 10 வயது குறைவானவராகவே தங்களைக் கருதுகின்றனர்.
இதுகுறித்து ரூய் யோ என்ற நிபுணர் விரிவான ஆய்வு நடத்தி அறிக்கை வெளியிட்டுள்ளார். அதில் கூறியிருப்பதாவது:
சீனாவில் 50 வயதைத் தொட்டவர்களில் பெரும்பாலோர் 50ஐ நினைப்பதில்லை. 40 அல்லது 45 வயது ஆவதாகவே கருதுகின்றனர். இதனால், நுகர்வோர் பொருட்கள் தயாரிப்பு நிறுவனங்கள் குழம்பித் தவிக்கின்றன. மார்க்கெட்டிங் செய்வதில் பிரதிநிதிகள் திணறுகின்றனர்.
வயதானவர்களும் இளமையாகவே கருதிக் கொள்வதால், வயதான பிரிவினருக்கான தயாரிப்புகள் அதிகம் விற்பனை ஆவதில்லை. எனவே, அந்த பிரிவில் உள்ள நிறுவனங்கள், இளைஞர்களுக்கான பொருட்கள் தயாரிப்புக்கு மாறி வருகின்றன.

கடந்த 1908ம் ஆண்டில் ஸ்டீபன் பாஸ்டர் பிரிக்ஸ் மற்றும் ஹரால்டு எம் ஸ்ட்ரேட்டன் ஆகியோர் இணைந்து, பிரிக்ஸ் அன்ட் ஸ்ட்ரேட்டன் பிளையர் நிறுவனத்தை தொடங்கினர். வாகன உற்பத்தி செய்ய வேண்டும் என்பது இவர்களின் நோக்கம். இதன்படி, 1922ம் ஆண்டில் ‘பிளையர்’ என்ற பெயரில் குட்டி காரை அறிமுகம் செய்தனர்.
இந்த காருக்கு உலகின் மலிவான கார் என்ற பெருமையும் கிடைத்தது. அதாவது, இந்த காரின் அப்போதைய விலை ரூ.5,985. இதுவரை இந்த விலையைவிட குறைவாக எந்த ஒரு காரும் விற்கப்படவில்லை. இதன் மூலம் கின்னஸ் உலக சாதனை புத்தகத்தில் இது இடம் பிடித்தது. எடை குறைவான இந்த குட்டி காரில் இரண்டு பேர் மட்டுமே பயணம் செய்ய முடியும். மரத்தால் எளிமையாக வடிவமைக்கப்பட்ட இதன் சக்கர அடிபாக அளவு 62 அங்குலம். சக்கரத்தின் விட்டம் 20 அங்குலம், அகலம் 30 அங்குலம். இதன் சிறிய இன்ஜின் பெட்ரோலில் ஓடக்கூடியது.
இந்நிறுவனம், இந்த காருக்கான விற்பனை உரிமையை 1925ல் ஆட்டோமோடிவ் எலக்ட்ரிக் சர்வீசஸ் கார்ப்பரேஷனுக்கு வழங்கியது. அந்நிறுவனம், அந்த காருக்கான இன்ஜின் சப்ளை இருந்தவரை அதை தயாரித்து விற்பனை செய்தது. அதன் பிறகு உற்பத்தி நிறுத்தப்பட்டு விட்டது.

தென்கொரிய விஞ்ஞானிகள் குழுவினர், உடல்நலனில் காய்கறிகளின் பங்கு பற்றி விரிவாக ஆராய்ந்தனர். அதற்காக தேர்ந்தெடுக்கப்பட்ட ஒரு குழுவை சியோலில் புத்தமத கோயிலில் 5 நாட்கள் தங்க வைத்தனர்.
கோயிலில் தங்கிய நாட்களில் காய்கறிகள் அதிகம் சேர்க்கப்பட்ட சைவ உணவே அளிக்கப்பட்டது. இந்த ஆய்வுக்கு முன்பும், 5 நாட்களுக்குப் பிறகும் குழுவினரின் சிறுநீர் பரிசோதிக்கப்பட்டது. கோயிலில் தங்கி சைவ உணவை மட்டுமே சாப்பிட்ட பிறகு எடுக்கப்பட்ட பரிசோதனையில், உடலில் விஷத்தன்மை ஏற்படுத்தும் ரசாயன சுரப்பு குறைந்திருந்தது தெரிய வந்தது.
வாரத்தின் மீதி 2 நாட்களில் அசைவ உணவுகள், கொறிக்கும் ரகங்கள் சாப்பிட அனுமதிக்கப்பட்டது. அதன் பிறகு எடுத்த சிறுநீர் பரிசோதனையில், விஷத்தன்மை ஏற்படுத்தும் ரசாயன சுரப்பு அதிகரித்திருந்தது. எனவே, வாரத்தில் குறைந்தபட்சம் 5 நாட்கள் காய்கறிகள் சேர்ந்த சைவ உணவு அவசியம் என்று விஞ்ஞானிகள் அறிவித்தனர்.
இதுபற்றி ஆராய்ச்சிக் குழு விஞ்ஞானி ஒருவர் கூறுகையில், “சைவ, அசைவ உணவுகளால் உடலில் ஏற்படும் ரசாயன மாற்றங்கள், சிறுநீர் பரிசோதனையில் உடனுக்குடன் தெரிகின்றன. ரசாயன சுரப்பைக் குறைத்து உடல் ஆரோக்கியத்தைக் காக்க, வாரத்தில் 5 நாட்கள் காய்கறிகள் கலந்த சைவ உணவு அவசியம்” என்றார்.

அண்ணா பல்கலைக்கழக துணைவேந்தர் மன்னர் ஜவகர் தலைமை வகித்தார். பதிவாளர் சண்முகவேல், உயர் நீதிமன்ற முன்னாள் நீதிபதி மோகன், சென்னை பல்கலைக்கழக முன்னாள் துணைவேந்தர் சாதிக் உள்ளிட்டோர் கலந்து கொண்டனர்.
சிறப்பு விருந்தினராக கலந்து கொண்ட முன்னாள் ஜனாதிபதி அப்துல்கலாம், கவிஞர் யூஷீக்கு ‘திருக்குறள்’ புத்தகத்தை பரிசாக வழங்கி பேசியதாவது:
தைவான் நாட்டு கவிஞர் யூஷீயை சந்தித்தபோது, திருக்குறளின் பெருமையை பற்றி அவரிடம் சொன்னேன். அவர் சீனமொழியில் திருக்குறளை மொழி பெயர்க்க சம்மதம் தெரிவித்துள்ளார். இந்த பணியை வரும் டிசம்பர் மாதத்துக்குள் செய்து முடிப்பதாகவும் கூறியுள்ளார். நமது எண்ணம் உயர்வாக இருந்தால், லட்சியங்கள் மனதில் உருவாகும். அதுவே நம்மை உயர்த்தும். அதுபோன்றுதான் இவரது எண்ணம் எழுத்தாக மாறி கவிதையாக உருவெடுத்துள்ளது. அவரது கவிதைகளை படிக்கும்போது, திருவள்ளுவரின் சிந்தனை நாட்டைக் கடந்து, மொழியைக் கடந்து, எல்லைகளைக் கடந்து, நிலைத்து நிற்கிறது என்பதை நினைக்கும்போது பிரமிப்பை ஏற்படுத்துகிறது.
யூஷீயின் கவிதைகள் சமுதாய நோக்கத்தோடு அமைந்துள்ளது. இங்கு பேசிய ஒவ்வொருவரின் கருத்துக்கள் என்னும் மலர்களை பூச்செண்டுகளாக்கி அவருக்கு கொடுக்கிறோம்.
அண்ணா பல்கலைக்கழகம் எனது வாழ்க்கையில் முக்கியமான ஒன்று. இங்குதான் படித்தேன்; ஆசிரியராக பணியாற்றினேன். அதன் விளைவாக ஜனாதிபதி பதவியும் கிடைத்தது. அதேபோன்று, இங்கேயே படித்து ஆசிரியராக பணியாற்றுபவர்களுக்கு ஜனாதிபதி பதவி கிடைக்க வாய்ப்புள்ளது.
இவ்வாறு அப்துல் கலாம் கூறினார்.

ஒருவரது முன்ஜென்ம கர்ம வினைகளுக்கு ஏற்ப பலன்களை ராகு, கேது வழங்குகிறார்கள் என்கிறது ஜோதிட சாஸ்திரம். ஒருவரது கர்ம வினைக்கு ஏற்பவே ஜாதகக் கட்டத்தில் ராகு, கேது இடம்பெறும். இருவரும் திசைகள் மற்றும் பிற கிரக தசையின் புத்திகளில் யோக, அவ யோகங்களை அளிக்கும் வல்லமை பெற்றவர்கள். மற்ற 7 கிரகங்கள் போல ராகு, கேதுக்கு சொந்த வீடு, உச்ச வீடு, நீச்ச வீடு போன்றவை கிடையாது. ஆனாலும், இவர்களுக்கு உச்ச வீடு இருப்பதாக சில ஜோதிட நூல்களில் ஊர்ஜிதமாகாத தகவல்கள் உள்ளன. ராகு, கேதுக்கு நட்சத்திர அந்தஸ்து உண்டு. இருக்கும் இடத்தை பொருத்து யோக, அவயோகங்களை தருவார்கள். மிகப் பெரிய ராஜ யோகத்தை அளிக்கும் வல்லமை இந்த 2 கிரகங்களுக்கும் உண்டு. பொதுவாக லக்னத்துக்கு 3, 5, 6, 9, 11 போன்ற ஸ்தானங்களில் உள்ள ராகு, கேது திடீர் தனயோகம், எதிர்பாராத வளர்ச்சி, திடீர் அதிர்ஷ்டங்கள், யோகங்கள் போன்றவற்றை தருவார்கள்.
கல்வி, அறிவு தருவதில் ராகு கேது மிக முக்கியமானவர்கள். லக்னத்துக்கு 9ம் இடம் கடகம் அல்லது மகர ராசியாக இருந்து அதில் ராகு அல்லது கேது இருந்தால் ஏட்டுக் கல்வி தவிர, அனுபவ அறிவும், எதையும் பார்த்த மாத்திரத்திலேயே புரிந்துகொண்டு செயலாற்றுகிற ஆற்றலும் புத்தி சாதுர்யமும் வெளிப்படும்.
மருந்து, மருத்துவம் போன்ற துறைகளில் பிரகாசிக்க கேதுவின் அருள் அவசியம். மருத்துவ கல்லூரிகள், நர்சிங் கல்லூரிகளில் இடம் கிடைக்க, டாக்டர் துறையில் புகழ் பெற, சிறப்பாக சிகிச்சைகள் மேற்கொள்ள, ஸ்கேன் சென்டர், மெடிக்கல்ஸ் வைக்க, இத்தொழில்கள் சிறப்பாக நடக்க மருத்துவ கிரகமான கேதுவின் அருள் வேண்டும். அவரது அருள்கடாட்சம் இல்லாமல் இந்த துறையில் முன்னேற முடியாது.
திருமண வாழ்க்கை, குழந்தை பாக்யம் போன்றவற்றில் ராகு, கேதுக்கள் முக்கிய பங்கு வகிக்கின்றன. பொருத்தம் பார்க்கும்போது ராகு கேது அமைப்பை பார்த்து முடிவு செய்வது மிக அவசியம்.
10ம் இடத்து கிரகத்துடன் ராகு சேர்ந்தால் சினிமா துறையில் புகழ் பெற முடியும். கேமராமேன் போன்ற டெக்னிக்கல் துறைகளில் முன்னேறலாம். செவ்வாயுடன் ராகு சேர்ந்து இருந்தால் பல கலைகளில் வித்தகராகலாம். சனியும் ராகுவும் சேர்ந்து இருந்தால் கலைத்துறை, நிழற்படம், எடிட்டிங், அனிமேஷன் போன்ற துறைகள் அமையும். இசை துறையில் ஆழ்ந்த அறிவும் பெயரும் புகழும் கிடைக்க இசைஞானி என்று சொல்லக்கூடிய கேதுவின் அருள் வேண்டும். லக்னத்துக்கு 12&ல் கேது இருந்தால் மோட்ச அம்சம் என்பார்கள். அப்படிப்பட்ட ஜாதகருக்கு மறுபிறவி கிடையாது என்று கூறப்படுகிறது. ஒருவரது ஜாதகத்தில் மேஷம், ரிஷபம், கடகம், கன்னி, மகரம் ஆகிய ராசிகளில் ராகு இருந்தால் உயர்தர ராஜ யோக பலன்கள் உண்டாகும். ஒருவர் கோடீஸ்வர பட்டம் பெற்று யோக வாழ்க்கை வாழ குரு, கேது சேர்க்கை மிக முக்கிய அம்சம். இவர்களுக்கு மற்ற கிரக அம்சங்களும் சாதகமாக இருந்தால் பெயர், புகழ், அதிகாரம் அந்தஸ்து என எல்லா நலன்களும் யோகங்களும் அதிர்ஷ்டங்களும் எல்லா பக்கம் இருந்தும் குவியும்.
ராகு: வழிபாடு, பரிகாரம்
ராகுவின் அருள் பெற துர்க்கை அம்மன், கருமாரி அம்மன் ஆகிய தெய்வங்களை வழிபடலாம். கும்பகோணம் அருகே உள்ள திருநாகேஸ்வரம் ராகு ஸ்தலமாகும். நவதிருப்பதிகளில் தொலைவில்லி மங்கலம் (வடக்கு கோவில்) பரிகார ஸ்தலமாகும். சிவ ஸ்தலமான காளஹஸ்தியில் ராகுவுக்கு சிறப்பான வழிபாடுகள் நடத்தப்படுகின்றன. விஷ்ணு துர்க்கை வழிபாடு பல தடைகளை நீக்கும். சிவன் கோயிலில் உள்ள விஷ்ணு துர்க்கையை ஞாயிற்றுக்கிழமை ராகு காலத்திலும் பெருமாள் கோயிலில் உள்ள விஷ்ணு துர்க்கையை புதன்கிழமை ராகு காலத்திலும் வணங்குவது நல்லது. புற்று இருக்கும் அனைத்து அம்மன், காளி கோயில்களிலும் ராகு பரிகார பூஜைகள் செய்யலாம்.
‘ஓம் ஸூக்தந்தாய வித்மஹே
உக்ர ரூபாய தீமஹி
தந்நோ ராகு பிரசோதயாத்’ என்ற ராகு காயத்ரி மந்திரத்தை தினமும் 108 முறை சொல்லலாம்.
‘ஓம் காத்யானாய வித்மஹே
கன்யாகுமாரீச திமஹி
தந்நோ துர்க்கே பிரசோதயாத்’ என்ற துர்க்கை காயத்ரி மந்திரத்தை ராகு திசை நடப்பவர்கள் சொல்வது சிறப்பு.
கேது:வழிபாடு, பரிகாரம்
கேதுவின் அருள் பெற விநாயகர், சித்ரகுப்தர் ஆகிய தெய்வங்களை வழிபடலாம். கும்பகோணம் அருகே கீழப் பெரும்பள்ளம் கேது ஸ்தலமாகும். நவதிருப்பதிகளில் தொலைவில்லி மங்கலம் (தெற்கு கோவில்) பரிகார ஸ்தலமாகும். சிவஸ்தலம் காளஹஸ்தியில் கேதுவுக்கு ஹோம பூஜைகள் நடக்கின்றன. சங்கடஹர சதுர்த்தியன்று விநாயகருக்கு அபிஷேக, ஆராதனைகள், அர்ச்சனை செய்து வழிபடலாம். கரும்புச்சாறு அபிஷேகம் மிகவும் சிறப்புமிக்கதாகும். காஞ்சிபுரத்தில் சித்ரகுப்தருக்கு தனி ஆலயம் உள்ளது. அங்கு கேது பரிகார பூஜை செய்யலாம்.
‘ஓம் சித்ரவர்ணாய வித்மஹே
சர்ப்ப ரூபாய தீமஹி
தந்நோ கேது பிரசோதயாத்’ என்ற கேது காயத்ரி மந்திரத்தை தினமும் 108 முறை சொல்லலாம்.
‘ஓம் ஏக தந்தாய வித்மஹே
 தந்தி பிரசோதயாத்’ என்ற விநாயகர் காயத்ரி மந்திரத்தை கேது திசை நடப்பவர்கள் சொல்வது சிறப்பு.
நல்லதையே நினைத்து, நல்லதையே பேசி, நல்லதையே செய்பவர்களுக்கும் தான் மட்டுமல்லாமல் இந்த உலகமே மகிழ்ச்சியாக வாழ வேண்டும் என்ற உள்ளம் கொண்டவர்களுக்கும் நற்பயன்கள், பல்வேறு யோகங்கள், அதிர்ஷ்டங்களை வாரிவழங்க நவக்கிரகங்கள் காத்துக் கொண்டிருக்கிறார்கள். நற்காரியங்களை செய்து அவர்களது அனுக்ரகம் பெறுவோமாக.

மனதிற்கு பிடித்தவர்களை சந்திப்பீர்கள். சுப நிகழ்ச்சிகளில் கலந்து கொள்வீர்கள். புது வேலை அமையும். தாய்வழி உறவினர்களால் அலைச்சல் உண்டு. தொழிலில் லாபம் அதிகரிக் கும். உத்யோகத்தில் சக ஊழியர்களால் நிம்மதி கிட்டும். உழைப்பால் உயரும் நாள்.

ரிஷபம்:
கம்பீரமாக பேசி சில காரியங்களை முடிப்பீர்கள். பூர்வீகச் சொத்து பிரச்னைக்கு தீர்வு கிடைக்கும். அதிகாரப் பதவியில் இருப்பவர்களின் நட்பு கிடைக்கும். வியாபாரத்தில் பழைய சரக்குகள் விற்கும். உத்யோகத்தில் உங்களின் ஆலோசனை ஏற்கப்படும். வெற்றி பெறும் நாள்.

மிதுனம்:
கடந்த இரண்டு நாட்களாக இருந்த சோர்வு நீங்கி சுறுசுறுப்பாவீர்கள். கணவன், மனைவிக்குள் நெருக்கம் உண்டாகும். நேர்மறை எண்ணங்கள் பிறக்கும். வியாபாரத் தில் போட்டிகள் குறையும். உத்யோகத்தில் பணிகளை விரைந்து முடிப்பீர்கள். புது அத்தியாயம் தொடங்கும் நாள்.

கடகம்:
ராசிக்குள் சந்திரன் நீடிப்பதால் கணவன்,மனைவிக்குள் ஈகோ பிரச்னைகள் வந்து நீங்கும். பூசம் நட்சத்திரக்காரர்கள் முன்கோபத்தை தவிர்ப்பது நல்லது. சிறுசிறு அவமானங்கள் ஏற்படக்கூடும். வியாபாரத்தில் அலைச்சல் இருக்கும். உத்யோகத்தில் அதிகாரிகளுடன் அளவாகப் பழகுங்கள். எதிர்பார்ப்புகள் தாமதமாகி முடியும் நாள்.

சிம்மம்:
குடும்பத்தினரை அனுசரித்துப் போங்கள். பழைய கடனை தீர்க்க முயற்சி செய்வீர்கள். உடன்பிறந்தவர்களுடன் கருத்து வேறுபாடுகள் வந்து நீங்கும். வியாபாரத்தில் போட்டிகளையும் தாண்டி ஒரளவு லாபம் வரும். உத்யோகத்தில் மேலதிகாரியுடன் மோதல்கள் வேண்டாமே. போராடி வெல்லும் நாள்.

கன்னி:
எதிர்பார்த்த வேலைகள் தடையின்றி முடியும். மூத்த சகோதர வகையில் உதவிகள் கிடைக்கும். மகளுக்கு நல்ல வரன் அமையும். வாகனம் வாங்குவீர்கள். வியாபாரத்தில் எதிர்பாராத தனலாபம் உண்டு. உத்யோகத்தில் சகஊழியர்கள் மதிப்பார்கள். நன்மை கிட்டும் நாள்.

துலாம்:
குடும்பத்தினருடன் சுபநிகழ்ச்சிகளில் கலந்துக் கொள்வீர்கள். வரவேண்டிய பணம் கைக்கு வரும். சொந்த,பந்தங்கள் தேடி வரும். வியாபாரத்தில் சில தந்திரங்களை கற்றுக் கொள்வீர்கள். உத்யோகத்தில் உங்களின் புதிய முயற்சிகளை அதிகாரி பாராட்டுவார். மதிப்புக் கூடும் நாள்.

விருச்சிகம்:
கடந்த இரண்டு நாட்களாக இருந்த மனஉளைச்சல் நீங்கும். குடும்பத்தில் அமைதி திரும்பும். பணவரவு திருப்தி தரும். உறவினர்கள் உதவுவார்கள். வியாபாரத்தில் தள்ளிப்போன வாய்ப்புகள் தேடி வரும். உத்யோகத்தில் மேலதிகாரி மதிப்பார். புத்துணர்ச்சி பெருகும் நாள்.

தனுசு:
சந்திராஷ்டமம் தொடர்வதால் உணர்ச்சி வசப்படாமல் அறிவுப்பூர்வமாக முடிவெடுக்கப் பாருங்கள். குடும்பத்தாரின் விருப்பங்களை நிறைவேற்ற போராட வேண்டியிருக்கும். யாரையும் பகைத்துக் கொள்ளாதீர்கள். வியாபாரத்தில் ஒப்பந்தங்கள் தள்ளிப்போகும். உத்யோகத்தில் எதிர்பார்த்த சலுகைகள் தாமதமாக கிடைக்கும். சிக்கனம் தேவைப்படும் நாள்.

மகரம்:
கடினமான காரியங்களையும் எளிதாக முடிப்பீர்கள். வாகனத்தை சரி செய்வீர்கள். மனைவி வழியில் நல்ல செய்தி உண்டு. சகோதரி உதவுவார். வியாபாரத்தில் எதிர்பாராத லாபம் உண்டு. உத்யோகத்தில் உங்களின் திறமைகள் வெளிப்படும். தன்னம்பிக்கை துளிர்விடும் நாள்

கும்பம்:
எதிர்பாராத பணவரவு உண்டு. பிள்ளைகளிடம் குவிந்து கிடக்கும் திறமைகளை இனம் கண்டறிந்து வளர்ப்பீர்கள். பிரபலங்கள் அறிமுகமாவார்கள். வியாபாரத்தில் வாடிக்கை யாளர்களின் எண்ணிக்கை அதிகரிக்கும். உத்யோகத்தில் உங்களின் உழைப்பிற்கு பாராட்டு கிடைக்கும். அமோகமான நாள்.

மீனம்:
மற்றவர்களை நம்பி எந்த வேலையையும் ஒப்படைக்கக் கூடாது என்று முடிவெடுப்பீர்கள். உறவினர்களால் ஆதாயம் உண்டு. புண்ணிய தலங்கள் சென்று வருவீர்கள். வியாபாரத் தில் புது முதலீடு செய்வீர்கள். உத்யோகத்தில் புது வாய்ப்புகள் தேடி வரும். கனவு நனவாகும் நாள்.

19.5.2010,

விக்ருதி வருடம், வைகாசி மாதம் 5ம் நாள், புதன் கிழமை,
வளர்பிறை. சஷ்டி திதி இரவு மணி 9.42 வரை; பிறகு, சப்தமி திதி. மேல்நோக்குள்ள பூசம் நட்சத்திரம் இரவு மணி 9.53 வரை; பிறகு, கீழ்நோக்குள்ள ஆயில்யம் நட்சத்திரம். நேத்திரம், ஜீவனுள்ள சித்தயோக நாள். சஷ்டி விரதம்.
நல்ல நேரம்:
காலை மணி 6 to 7.30, முற்பகல் 9 to 10, பிற்பகல் 11.30 to 3, மாலை 4 to 5, இரவு 7 to 10 மணி வரை.
ராகு காலம் : 12 .00 to 1 .30
எமகண்டம் : 7 . 30 to 9 .00
மேற்கண்ட நேரங்களில் சுபகாரியங்கள் விலக்கவும்.
சந்திராஷ்டமம் : பூராடம் , உத்திரம் நட்சத்திரங்கள்
மேற்கண்ட நட்சத்திரகாரர்கள் புதிய முயற்சிகள் செய்ய வேண்டாம்
வீண் வாக்கு வாதங்களில் ஈடுபட வேண்டாம்.
பொதுப் பலன்:
திருமணம், சீமந்தம், உபநயனம், நிச்சயதார்த்தம் செய்ய, புது மனை புக, வாகனம், வீடு, மனை வாங்க, குழந்தைக்கு பெயர் சூட்ட, குழந்தைக்கு அன்னம் ஊட்ட, வங்கிகளில் சேமிப்பு கணக்கு தொடங்க, வியாபாரம் தொடங்க, புது வேலையில் சேர, தாலிக்குப் பொன் உருக்க, பயணம் தொடங்க நன்று.

உலக உயர் மனஅழுத்த தினம் நேற்று அனுசரிக்கப்பட்டது. அதை முன்னிட்டு பெங்களூரின் போர்ட்டிஸ் மருத்துவமனை டாக்டர்கள் கூறியதாவது:
பருமனமாகவும், எடை அதிகமாகவும் இருந¢தால் உயர் ரத்த அழுத்த ஆபத்து ஏற்படும். அதனால் பக்கவாதம், இதய செயலிழப்பு, சிறுநீரக கோளாறு ஏற்படும் வாய்ப்புகள் அதிகம். ஒவ்வொரு கிலோ உடல் எடை உயரும்போதும் ரத்த அழுத்த அளவீடான மெர்க்குரி மில்லிமீட்டர் 2 புள்ளிகள் அதிகரிக்கும்.
எனவே, உயர் மனஅழுத்தத்தை (ஹைப்பர் டென்ஷன்) ஏற்படுத்தும் ரத்த அழுத்தத்தை கட்டுப்பாட்டுக்குள் வைத்திருக்க, உடல் எடையை சரியாக பராமரிக்க வேண்டியது அவசியம்.
உயர் மனஅழுத்த நோய்க்கு ஆண்டுதோறும் உலகில் 70 லட்சம் பேர் பலியாவதாக கணக்கிடப்பட்டு உள்ளது. உலகம் முழுவதும் 100 கோடி பேர் எடை அதிகம் கொண்டவர்களாக உள்ளனர். அவர்களில் சுமார் 30 கோடி பேர் பருமனாக இருக்கின்றனர். இது உயர் மனஅழுத்த நோய் ஏற்படும் வாய்ப்பை அதிகரிக்கிறது.
கம்ப்யூட்டர், டிவி முன் அதிக நேரம் கழிப்பதும், உடல் உழைப்பு குறைவதும் எடை அதிகரிக்க முக்கிய காரணங்களாக உள்ளன என்றனர்.

என்ன வியப்பாக இருக்கிறதா, உண்மை தான். ஆம், அவர்களும் நாகரிக பெண்களை போல, விலை அதிகமாக உள்ள உடைகளை வாங்கி நேர்த்தியாக ‘டிரஸ்’ செய்ய ஆரம்பித்து விட்டனர். அதனால், அவர்களின் வேலைத்திறன் அதிகரித்து விட்டதாம்.
சென்னை, பெங்களூர், அகமதாபாத், டெல்லி, கொல்கத்தா, புனே, மும்பை ஆகிய நகரங்களில் உள்ள தனியார் நிறுவனங்களுக்கு பல்வேறு துறை ஊழியர்களை அமர்த்தித்தரும், வேலை வாய்ப்பு தரும் ‘டைம் லீஸ்’ நிறுவனம் சமீபத்தில் வித்தியாசமான சர்வேயை நடத்தியது.
இந்த நகரங்களில் உள்ள 21 வயது முதல் 45 வயது வரை உள்ள ஆண் ஊழியர்கள், அவர்களை வேலைக்கு அமர்த்திய நிறுவன நிர்வாகிகளிடம் சர்வே நடத்தப்பட்டது.
சர்வேயில் தெரியவந்துள்ள சில வித்தியாசமான தகவல்கள்:
ஊழியர்கள் அணியும் உடைக்கும், அவர் பணி திறமைக்கும் தொடர்பு உள்ளது. நேர்த்தியாக உடை அணியும் ஊழியர்களிடம் படிப்படியாக வேலையில் முன்னேற்றம் காணப்படுகிறது என்று நிறுவனங்களை சேர்ந்த நிர்வாகிகள், மூத்த அதிகாரிகள் கூறினர். இதை ஊழியர்களும் ஆமோதித்தனர்.
இந்த கருத்தை 89 சதவீதம் பேர் ஒப்புக்கொண்டனர். மேலும், இவர்களில் நான்கில் மூன்று பங்கு ஊழியர்கள், ‘நாங்கள் நேர்த்தியாக உடை அணிய ஆரம்பித்ததில் இருந்து, வேலை நன்றாக செய்ய முடிகிறது. அதற்கான ஆர்வமும் அதிகரிக்கிறது உண்மை தான்’ என்று ஒப்புக்கொண்டனர்.
தங்களை அழகாக காட்டிக்கொள்வதில் பெண்களை ஆண்கள் முந்திக்கொள்ள தயாராகி விட்டனர் என்றும் சர்வேயில் தெரிய வந்துள்ளது. மாத சம்பளத்தில் கணிசமான தொகையை புதிய உடைகள் வாங்கவும், பியூட்டி பார்லர் போகவும் பெண்கள் செலவழிப்பது தெரிந்தது தான். ஆண்களும் இப்போது பெண்களை போல, தங்களை அழகுபடுத்திக்கொள்வதில் ஆர்வம் காட்டுகின்றனர். 74 சதவீதம் ஆண்கள் இதை ஒப்புக்கொண்டனர்.
டிரஸ் அணிந்து ஆபீஸ் வருவதில் விதிமுறைகளை எல்லா நகரங்களிலும் உள்ள நிறுவனங்கள் கடைபிடிக்கின்றன. சென்னையில், 60 சதவீத தனியார் நிறுவனங்கள், தங்கள் ஊழியர்களுக்காக உடை விஷயத்தில் தனி விதிகளை பின்பற்றுகின்றன.
உடை விஷயத்தில் தனி விதிகளை பின்பற்றுவது நல்லது தான். ஆனால், மேல் அதிகாரிகள், வாடிக்கையாளர்களுடன் நேரடி தொடர்பு பணிகளில் உள்ள ஊழியர்களுக்கு மட்டும் பின்பற்றலாம் என்று 44 சதவீதம் பேர் தெரிவித்தனர்.
‘உடையை நேர்த்தியாக அணிந்து வருவதால், பணியில் கவனம் செலுத்த முடிவது சரிதான்’ என்று பெரும்பாலோர் கூறினாலும், அவர்களில் சிலரிடம் வேறு சில குறைகளும் உள்ளதும் தெரியவந்தது. ‘சில ஊழியர்கள் நேர்த்தியாக உடை அணிந்து வந்து மேலதிகாரிகளிடம் நல்ல பெயர் வாங்கி விடுகின்றனர்; அவர்கள் வேலை செய்வதை அதிகாரிகளும் கண்டுகொள்வதில்லை’ என்று 54 சதவீதம் ஊழியர்கள் கூறினர்.
இப்படி சிலர் கூறுகின்றனர் என்றால், 72 சதவீதம் ஆண் ஊழியர்களின் ஒரு மித்த கருத்து என்ன தெரியுமா? ‘எங்களால் நேர்த்தியாக உடை அணிந்து வந்தால் நன்றாக வேலை செய்ய முடிவது உண்மை தான். ஆனால், பெண்களில் சிலர் ஸ்கர்ட் மற்றும் மேல் சட்டை அணிந்து வருகின்றனர். அவர்களால் எங்கள் கவனம் சிதறுகிறது’ என்று தெரிவித்தனர்.

அமெரிக்கா 41 ஆண்டுகளுக்கு முன்பே நிலவுக்கு மனிதனை அனுப்பிய வல்லரசு. அதற்கு பல காலம் முன்பே அன்றைய சோவியத் யூனியனுடன் விண்வெளி ஆராய்ச்சியில் அது போட்டியில் குதித்தது. இரு வல்லரசுகளும் வரலாறு காணாத அளவில் பணத்தை கொட்டி ஆராய்ச்சிகள் நடத்தின. அப்போது நாம் அமெரிக்கா அன்பளிப்பாக அனுப்பிய பவுடரை பாலாக்கி குழந்தைகளுக்கு ஊட்டிக் கொண்டிருந்தோம். அப்படி இருந்த இந்தியா திடீரென்று விண்வெளி ஆராய்ச்சியில் புதிய மைல்கல் பதித்தால் அமெரிக்கா சகித்துக் கொண்டிருக்க முடியுமா?
நிலவில் நீர் வளம் இருக்கிறதா இல்லையா என்ற கேள்வி விண்வெளி ஆராய்ச்சியாளர்களை மட்டுமல்ல, ராணுவம் தொடங்கி ரியல் எஸ்டேட் வரையிலான பல துறையினரையும் உறுத்திக் கொண்டிருந்தது. சிறிய ரோபோ அனுப்பி அந்த கேள்விக்கு விடை தேடலாம் என்ற சிக்கனமான கனவு கண்டவர் அப்துல் கலாம். அவர் யோசனைப்படி இந்திய விண்வெளி ஆராய்ச்சி மையம் & இஸ்ரோ & உருவாக்கிய கருவி ‘மூன் இம்பாக்ட் ப்ரோப்’ என்பது. 2008 நவம்பர் 14ல் சந்திராயன் விண்கலத்தில் இஸ்ரோ அனுப்பிய அந்த கருவி நிலவில் நீர் இருப்பதற்கான அடையாளங்களை கண்டுபிடித்தது.
ஆனால், நிலவில் இறங்கிய 25 நிமிடங்களில் செயலிழந்தது. குறைந்த நேரமே தகவல்கள் கிடைத்ததால், முழுமையாக ஆராயாமல் நீர் கண்டுபிடிப்பு குறித்து நமது விஞ்ஞானிகள் விவரங்களை வெளியிடவில்லை. அந்த ஆய்வு 10 மாதம் நீண்டது. அதில் அமெரிக்கா முந்திக் கொண்டது. அதே சந்திராயனில் அவர்கள் அனுப்பிய கருவி பதிவு செய்த அடையாளங்களின் அடிப்படையில், தாங்கள் தண்ணீரை கண்டுபிடித்ததாக அறிவித்தனர். இந்தியா பற்றி பேச்சே இல்லை. ஓராண்டுக்கு பிறகு இப்போது நமது சாதனையை பிரிட்டிஷ் விஞ்ஞானிகள் முதல் முறையாக வெளிச்சத்துக்கு கொண்டு வந்துள்ளனர்.
பொறாமை தனி மனிதர்களின் உரிமை அல்ல போலும்.

தமிழகத்தில் கடந்த சில நாட்களாக அக்னி வெயில் வறுத்தெடுக்கிறது. வளிமண்டலத்தில் ஏற்பட்ட காற்று சுழற்சி காரணமாக தமிழகத்தின் பல்வேறு இடங்களில் அவ்வப்போது சூறைக்காற்றுடன் மழையும் பெய்தது. கரூர் மாவட்டத்தில் நேற்று மாலை பலத்த மழை கொட்டியது.
ஆனாலும், சென்னை, வேலூர் உள்பட பல மாவட்டங்களில் வெயிலின் தாக்கம் அதிகமாக இருக்கிறது. வேலூரில் கடந்த வாரம் 110 டிகிரி வெயில் சுட்டெரித்தது. தற்போது தமிழகத்தில் பரவலாக 102 டிகிரி வரை வெயில் காணப்படுகிறது.
இந்நிலையில், வங்கக்கடலில் அந்தமான் அருகே புயல் சின்னம் உருவாகி உள்ளது. இதற்கு ‘லைலா’ என பெயரிடப் பட்டுள்ளது. லைலா புயல் சென்னையில் இருந்து தென்கிழக்கு வங்கக்கடல் பகுதியில் 700 கி.மீ. தொலைவில் மையம் கொண்டுள்ளது. இது மெல்ல மெல்ல வடமேற்கு திசை நோக்கி நகர்ந்து கொண்டிருக்கிறது. அடுத்த 48 மணி நேரத்தில் சென்னைக்கும், ஆந்திராவுக்கும் இடையே கரையை கடக்கும் என்று எதிர்பார்க்கப்படுகிறது.
புயல்காரணமாகசென்னை,திருவள்ளூர்,காஞ்சிபுரம்உள்ளிட்ட
கடலோரமாவட்டங்களில் இன்று இரவு முதல் பலத்த மழை பெய்தவற்கான வாய்ப்பு உள்ளது என்று சென்னை வானிலை ஆய்வு மையம் தெரிவித்துள்ளது.
வங்கக்கடலில் புயல் சின்னம் உருவாகி இருப்பதையடுத்து பாம்பன் துறைமுக அலுவலகத்தில் நேற்றிரவு 2ம் எண் புயல் எச்சரிக்கை கூண்டு ஏற்றப்பட்டது. நாட்டுப்படகில் மீன்பிடிக்கும் மீனவர்கள் ஆழ்கடல் பகுதிக்கு செல்வதை தவிர்க்க வேண்டும் என அறிவுறுத்தப்பட்டுள்ளது. பலத்த காற்றுடன் மழை பெய்ய வாய்ப்புள்ளதாகவும் துறைமுக அதிகாரிகள் தெரிவித்தனர்.
வேதாரண்யம் கடல் பகுதியில் பலத்த காற்று வீசுவதால் 5 ஆயிரம் மீனவர்கள் இன்று கடலுக்கு செல்லாமல் வீடுகளிலேயே முடங்கி கிடக்கின்றனர். நாகை துறைமுகத்தில் 2ஆம் எண் புயல் எச்சரிக்கை கூண்டு ஏற்றப்பட்டது. மீனவர்கள் கடலுக்கு செல்ல வேண்டாம் என்று வேதாரண்யம் பகுதியில் உள்ள மீனவ கிராமங்களில் நேற்றிரவு பஞ்சாயத்தார் மைக் மூலம் எச்சரிக்கை விடுத்தனர்.
இதையடுத்து வேதாரண்யம், கோடியக்கரை, ஆறுகாட்டுத்துறை, புஷ்பவனம், வெள்ளப்பள்ளம், வானவன் மகாதேவி உள்ளிட்ட 20க்கும் மேற்பட்ட கிராமங்களில் இருந்து மீனவர்கள் இன்று கடலுக்கு செல்லவில்லை. படகுகள் அனைத்தும் கரையில் பாதுகாப்பாக நிறுத்தி வைக்கப்பட்டுள்ளன.

உழைப்புக்கு ஆதாரமாக உள்ள கிரகம் சனி. கடும் உழைப்பாளிகளுக்கு சனி பகவானின் அருள்கடாட்சம் என்றும் உண்டு. சாதாரண தொழிலாளியாக இருப்பவர்களுக்கு மேலும் உழைக்கும் ஆற்றலையும் சக்தியையும் கொடுத்து அவர்களை கோடீஸ்வரர்களாக்கும் வல்லமை சனி பகவானுக்கு உண்டு.
நம் ஜாதகத்தில் சனி பகவான் நன்கு பலமாக இருந்தால் ஆயுள், ஆரோக்கியம், ஐஸ்வர்யம், அதிகாரம், பட்டம், பதவி எல்லாம் தானாக தேடிவரும். ஜாதக அமைப்பை தவிர அவரவர் ராசிக்கு கோசார பலன்களை தருவதிலும் சனீஸ்வரன் வலிமை மிக்கவர். ஏழரை சனி, 4&ல் சனி, 8&ல் சனி என்று ஒவ்வொருவருக்கும் 30 வருடங்களுக்குள் இந்த 3 விதமான கோசார பலன்களை தருகிறார். ஜாதகத்தில் சனி பகவான் பலமாக, யோகமாக இருந்தால் எல்லா துறைகளிலும் கொடிகட்டி பறக்கும் யோகம் உண்டாகும்.
சனியின் அம்சங்கள் (ஆதிக்கம்)
கிழமை: சனி
தேதிகள்: 8, 17, 26
நட்சத்திரம்: பூசம், அனுஷம், உத்திரட்டாதி
ராசி: மகரம், கும்பம்
நிறம்: கருப்பு
ரத்தினம்: நீலம்
தானியம்: எள்
ஆடை: கருப்பு
சனிக்கு உரிய தேதிகள், கிழமை, நட்சத்திரத்தில் பிறப்பவர்களுக்கு திடீர் அதிர்ஷ்டங்கள், யோகம், பட்டம், பதவி, தொழிலதிபர் போன்ற அம்சங்கள் உண்டாகும். ஜாதகத்தில் சனி பகவான் ஆட்சி, உச்சம் பெற்று பலமாக இருப்பதும் அவசியம்.
பிறந்த லக்னமும் சனி தரும் யோகமும்
எந்த லக்னம்/ராசியில் பிறந்தவர்களுக்கு எந்த வகையான யோகங்கள், பலன்களை சனி பகவான் தருவார்?
மேஷ லக்னம்/ராசி & தொழில் துறையால் யோகம். பெரிய பதவியில் அமரும் யோகம்.
ரிஷப லக்னம்/ராசி & தர்ம கர்மாதிபதியாக சனி வருவதால் ராஜாங்க யோகம் கிடைக்கும். உயர்பதவி, பட்டம், தொழில், சொத்து, சுகம் என்று சகல பாக்யங்களும் கிடைக்கும்.
மிதுன லக்னம்/ராசி & பூர்வீக சொத்து, கவுரவ பதவிகள், அரசியல் பிரவேசம் சகல பாக்யங்கள், சகல யோகங்கள்.
கன்னி லக்னம்/ராசி & அஷ்டலட்சுமி யோகம், கோடீஸ்வர யோகம். பிள்ளைகள், மாமன் வகை உறவுகளால் செல்வம், செல்வாக்கு மற்றும் யோகங்கள்.
துலா லக்னம்/ராசி & நிலபுலன்கள், சொத்து சேர்க்கை, தாய் மூலம் யோகம், திடீர் அதிர்ஷ்ட வாய்ப்புகள், உயர்பதவி.
விருச்சிக லக்னம்/ராசி & கல்வி மேன்மை, அதிகாரங்கள் நிறைந்த பதவி, உயர்பதவிகள், நில புலன் சேர்க்கை, பூர்வீக சொத்துக்கள்.
தனுசு லக்னம்/ராசி & சொல்லாற்றல், குடும்ப பூர்வீக சொத்துக்களால் அதிர்ஷ்டம்.
மகர லக்னம்/ராசி & கவுரவ பதவிகள் தேடிவரும். தொழில் அதிபராகும் யோகம்.
கும்ப லக்னம்/ராசி & பல வகையிலும் சம்பத்துக்கள், சொத்துக்கள், செல்வம் வந்து சேரும். பட்டம், பதவி, செல்வாக்கு.
எந்த லக்னம், ராசியில் பிறந்தாலும் சனி நீச்சம் பெறாமலும், 6, 8, 12 ஆகிய இடங்களில் மறையாமலும், 6, 8, 12 ஆகிய அதிபதிகளுடன் சேராமலும் இருக்க வேண்டும்.
வழிபாடு, பரிகாரம்
சனிக்கிழமை விரதம் இருந்து எள் விளக்கேற்றி சனீஸ்வரரை வழிபடலாம். தினமும் காலையில் சாப்பிடும் முன்பு காகத்துக்கு உணவிடலாம்.
‘ஓம் சனைஸ்சராய வித்மஹே
சூர்ய புத்ராய தீமஹி
தந்நோ மந்தப் பிரசோதயாத்’ என்ற சனி காயத்ரி மந்திரத்தை தினமும் 108 முறை சொல்லலாம். ‘ஓம் சம்சம் ரீஉம் சனைச்வர தேவாய நம’ என்ற மந்திரத்தை 108 முறை சொல்லலாம்.
திருநள்ளாறு சனீஸ்வர ஸ்தலத்தில் அன்னதானம் செய்யலாம். நவதிருப்பதிகளுள் பெருங்குளம் சனீஸ்வர ஸ்தலமாகும். கடின உழைப்பாளிகள், தொழிலாளிகள், மாற்றுத் திறனாளிகள், பார்வையற்றவர்களுக்கு உதவிகள் செய்யலாம்.