வால் பையன்

6 நட்சத்திரங்கள் இணைந்த அமைப்பே விசாக நட்சத்திரம். அதனால், ஆறுமுகப் பெருமானாகிய கந்தன் இந்த நட்சத்திரத்தில் உதித்ததாக ஐதீகம். இதையே திருப்புகழ் ‘இன்சொல் விசாகா கிருபாகரா’ என்று குறிப்பிடுகிறது. வைகாசி விசாகம் 27.05.2010
வியாழக்கிழமை அன்று வருகிறது.
முருகனுக்கு உகந்த ஆடிக் கிருத்திகை, பங்குனி உத்திரம் போல வைகாசி விசாகமும் மிகவும் சிறப்பான நாளாக கருதப்படுகிறது.
முருகப் பெருமான் அவதரித்த தினம் என்பது மட்டுமல்லாமல் இந்த நட்சத்திரத்துக்கு மேலும் பல சிறப்புகள் இருக்கின்றன. அர்ஜுனனுக்கு பாசுபத அஸ்திரத்தை சிவபெருமான் வழங்கிய நாள். புத்தர் பெருமான் அவதரித்த நாள் (புத்த பூர்ணிமா). ‘வேதம் தமிழ் செய்தான் மாறன் சடகோபன்’ என்று போற்றப்படும் நம்மாழ்வார் அவதரித்த தினம். இப்படி பல சிறப்புகள் கொண்டது வைகாசி விசாகம்.
ஆந்திர மாநிலம் சிம்மாசலத்தில் கோயில் கொண்டுள்ள வராக லட்சுமி நரசிம்ம மூர்த்திக்கு வைகாசி விசாகம் மிகவும் உகந்த நாள். இங்கு சந்தனக் காப்புடன் ஆண்டு முழுவதும் காட்சி தரும் பெருமாள் இந்த நாளில் மட்டுமே சந்தனக் காப்பு நீக்கி அருள் பாலிக்கிறார். அதற்கு அடுத்த நாளே 500 கிலோ சந்தனம் பயன்படுத்தி மீண்டும் காப்பு தயாராகி, சுவாமி மீண்டும் அதற்குள் சென்றுவிடுவார்.
தமிழ்க் கடவுளாம் முருகப் பெருமான்தான் சாஸ்திர ஜோதிடக் கலைக்கும் அதிபதி. எனவே, அவரது அவதார திருநாளாம் இந்த நன்னாளில் அவரை போற்றி, துதிசெய்து அபிஷேக, ஆராதனைகள் செய்து வர சகல சங்கடங்களும் நீக்கி வாழ்வில் வளமும் மகிழ்ச்சியும் அருள்வார். மனமுருக பிரார்த்தனை செய்தால் இறைவன் அருள் கட்டாயம் கிடைக்கும்.
சிவகுமாரனாகவும் திருமாலின் மருமகனாகவும் விளங்கும் ஞானபண்டிதன் முருகப் பெருமான் அவதரித்த விசாகம் குருவின் நட்சத்திரமாகும். எனவே குருதிசை, குருபுத்தி, குருவால் ஏற்படும் தடங்கல்கள் எல்லாம் நீங்க குரு ஸ்தலங்களில் பரிகாரங்கள் செய்து வழிபடலாம். குரு ஸ்தலமான திருச்செந்தூரில் ஸ்ரீசுப்ரமணிய சுவாமி, குருவின் அம்சமாகவே அருள்பாலிக்கிறார். வைகாசி விசாக தினத்தன்று அங்கு பரிகார பூஜைகள் செய்தால் பகை தீரும். திருஷ்டி, தோஷங்கள் விலகும். குழந்தை பாக்ய தடைகள் நீங்கும். குடும்பத்தில் மகிழ்ச்சி அதிகமாகும். ஆன்மீக ஈடுபாடு அதிகரிக்கும். தடைபட்டுவந்த சுப காரியங்கள் சிறப்பாக நடக்கும். அருகே உள்ள முருகன் கோயிலுக்கு சென்றும் வழிபாடுகள் செய்யலாம். வைகாசி விசாக தினத்தில் முருகனை வணங்கி சகல யோகங்களும் பாக்யங்களும் பெறுவோமாக.

கோவை மாவட்டம் கலங்கல் என்ற கிராமத்தில் 31_3_1894_ல் ஜி.டி.நாயுடு பிறந்தார். அவருடைய தந்தை பெயர் கோபால் நாயுடு. சிறு வயதிலேயே தந்தையை இழந்தார். பிறகு மாமனார் வீட்டில் வளர்ந்தார். ஆனால் அங்கு அவரால் சரியாகப் படிக்க முடியவில்லை.
எனவே, அவரது கவனம் தொழில் துறையில் திரும்பியது. வாலிப வயதில் மருந்து வியாபாரம் செய்தார். பின்னர் மோட்டார் சைக்கிள் "மெக்கானிக்" காக வேலை பார்த்து வந்தார். தனது விடாத முயற்சியாலும், தொழில் நுட்ப திறமையாலும் விரைவில் பஸ் அதிபர் ஆனார். அவரது முதல் பஸ் பழனிக்கும் _ பொள்ளாச்சிக்கும் இடையே ஓடியது. அதை ஓட்டிய டிரைவரும் அவரே.
பிறகு படிப்படியாக முன்னேறி பல தொழிற்சாலைகளை நிறுவினார். பல புதிய இயந்திரங்களையும், விஞ்ஞான கருவிகளையும் கண்டுபிடித்தார். ஜி.டி.நாயுடு பல வெளிநாடுகளுக்கு சென்றிருக்கிறார். ஜெர்மன் சென்றிருந்தபோது, ஹிட்லரை சந்தித்துப் பேசினார். வெளிநாட்டு தொழில் நுட்ப திறன்களை நேரில் கண்டறிந்து, அதைப்போன்ற தொழில் நுட்ப கருவிகளை உருவாக்கினார்.
அப்படி அவர் உருவாக்கிய தொழில் கருவிகள் அனைத்தையும் ஒன்று சேர்த்து கோவையில் விஞ்ஞான கூடமாக அமைத்தார். இது இன்று எல்லோரும் கண்டுகளிக்கும் காட்சிக் கூடமாக இருக்கிறது. குறைந்த விலையில், ஒரே நாளில் வீடு கட்டி முடித்துக் காட்டியது அவரது சிக்கன திறனுக்கும், தொழில் திறமைக்கும் எடுத்துக்காட்டு ஆகும்.
தொழில் மேதையான ஜி.டி.நாயுடு, விவசாயத் துறையிலும் வல்லவர். அவர் கண்டுபிடித்த பப்பாளி மரங்கள், பூசணிக் காய் அளவுள்ள பப்பாளிக்காய்களை கொடுத்தது. அதோடு அவர் கண்டு பிடித்த அவரைச்செடி, மரம் போல் வளர்ந்து நல்ல பலனை தந்தது.
அதிகப் படிப்பு படிக்காமலேயே, பல அரிய காரியங்களை ஆற்றி "அதிசய மனிதர்" என்று பெயர் பெற்றார். இவருக்கு சித்த வைத்தியத்தில் மிகுந்த ஆர்வம் உண்டு. சித்த வைத்திய ஆராய்ச்சியும் செய்து வந்தார்.
ஜி.டி.நாயுடு போட்டோ கலையில் அதிக விருப்பம் உள்ளவர். அவர் கலந்து கொள்ளும் நிகழ்ச்சிகளில், மேல் நாட்டு வகையைச் சேர்ந்த சிறிய காமிராவால், அவரே படம் எடுத்து விடுவார். இவரது பிரசிடெண்டு ஹாலில் பெரிய _ பெரிய போட்டோக்கள் நிரம்பி உள்ளன.
தனது கண்டுபிடிப்புகளுக்கு மத்திய அரசு ஊக்கம் அளிக்கவில்லை என்பதற்காக, 1953_ல் சென்னை கடற்கரையில் மாபெரும் பொதுக்கூட்டத்தை நடத்தி, மறைந்த ஈ.வெ.ரா. பெரியார், பேரறிஞர் அண்ணா ஆகியோர் முன்னிலையில் ரேடியோக்களையும் மற்றும் பல விஞ்ஞான கருவிகளையும் உடைத்து நொறுக்கி பரபரப்பை உண்டாக்கினார்.
ஜி.டி.நாயுடுவுக்கு செல்லம்மாள், ரெங்கநாயகி என்று 2 மனைவிகள். முதல் மனைவிக்கு கிட்டம்மாள், சரோஜினி என்ற 2 மகள்களும், 2_வது மனைவிக்கு கோபால் என்ற ஒரே மகனும் பிறந்தார்கள். ஜனாதிபதி வி.வி.கிரியும், மறைந்த தலைவர் பெரியாரும் நண்பர்களாக இருந்தார்கள்.
1973_ம் ஆண்டு இறுதியில் 80 வயது ஆனபோது ஜி.டி.நாயுடுவுக்கு உடல் நலம் பாதிக்கப்பட்டது. ரத்தக்கொதிப்பினாலும், வாத நோயினாலும் அவதிப்பட்டார்.
இதற்காக வேலூர் ஆஸ்பத்திரியில் அனுமதிக்கப்பட்டு ஒரு மாத காலம் சிகிச்சை பெற்றார். அதன் பிறகு கோவைக்கு திரும்பி வந்து வீட்டில் இருந்தவாரே சிகிச்சை பெற்றார்.
ஜி.டி.நாயுடு உடல் நலம் இல்லாமல் இருப்பதை அறிந்த ஜனாதிபதி வி.வி.கிரி, மனைவி சரசுவதி அம்மாளுடன் கோவைக்கு வந்து அவரை பார்த்து உடல் நலம் விசாரித்தார். அவருடன் ஜி.டி.நாயுடு பேசினார்.
4_1_1974 அன்று அதிகாலையில் ஜி.டி.நாயுடு உடல் நிலை மோசம் அடைந்தது. நினைவு இழந்தார். அவருக்கு டாக்டர்கள் தீவிர சிகிச்சை அளித்தனர். ஆயினும் சிகிச்சை பலன் இன்றி காலை 9_45 மணி அளவில் ஜி.டி.நாயுடு மரணம் அடைந்தார். உயிர் பிரிந்தபோது மனைவி ரெங்கநாயகி, மகன் கோபால், மகள்கள் கிட்டம்மாள், சரோஜினி, மருமகள் சந்திரலேகா ஆகியோர் அருகில் இருந்தார்கள்.
ஜி.டி.நாயுடுவின் உடல் அவர் வீட்டில் பொதுமக்கள் அஞ்சலி செலுத்துவதற்காக வைக்கப்பட்டது. தமிழக அரசு சார்பிலும், முதல்_அமைச்சர் கருணாநிதி சார்பிலும் ஜி.டி.நாயுடு உடல் மீது மாவட்ட கலெக்டர் சிவகுமார் மலர் வளையம் வைத்தார். தொழில் அதிபர்கள் ஜி.கே.சுந்தரம், ஜி.கே.தேவராஜலு, ஜி.ஆர்.கோவிந்தராஜலு, பி.ஆர்.ராம கிருஷ்ணன் மற்றும் பிரமுகர்கள் பல்லாயிரக்கணக்கான பொதுமக்கள் அஞ்சலி செலுத்தினார்கள்.
மாலையில் அவருடைய உடல் அலங்கரிக்கப்பட்ட தேரில் அவருடைய வீட்டுக்கு எதிரே உள்ள "பிரசிடெண்டு மண்டபத்துக்கு கொண்டு போகப்பட்டது. இந்த இறுதி ஊர்வலத்தில், சென்னை பல்கலைக்கழக துணைவேந்தர் சுந்தர வடிவேலு, கோவை வேளாண்மை பல்கலைக்கழக துணைவேந்தர் ரெங்கசாமி, பழைய மந்திரி அவினாசிலிங்கம் செட்டியார் மற்றும் அனைத்துக் கட்சியினர் கலந்து கொண்டனர்.
பிரசிடெண்டு மண்டபத்தில், "சிதை" அடுக்கப்பட்டு இருந்தது. அதன் மீது, உடல் வைக்கப்பட்டது. சடங்குகள் நடந்த பின் "சிதை"க்கு, ஜி.டி.நாயுடுவின் மகன் கோபால் தீ மூட்டினார். தகனம் நடந்த இடத்தில் ஜி.டி.நாயுடுவுக்கு நினைவு சின்னம் அமைக்கப்பட்டது.
கோவையில் அவினாசி ரோட்டில் குடியிருந்த ஜி.டி.நாயுடு தனது வீட்டு எதிரிலேயே பெரிய வளாகம் ஒன்றை அமைத்தார். அங்கு மிகப்பெரிய காட்சிக்கூடம், கலை அரங்கம், திருமண மண்டபம் போன்றவை இடம் பெற்றுள்ளன. "பிரசிடெண்ட் ஹால்" என்று அது அழைக்கப்படுகிறது. இந்த காட்சி கூடத்தில் ஜி.டி.நாயுடு கண்டுபிடித்த அனைத்து கருவிகள், பொருட்கள் காட்சிக்கு வைக்கப்பட்டுள்ளன. அவருடைய சாதனைகளை சித்தரிக்கும் புகைப்படங்களுடன் அலங்கரிக்கப்படுகின்றன.
நுழைவு வாயிலில் அமைந்துள்ள இரு பெரிய கண்ணாடிகள் நம்மை திகைப்பில் ஆழ்த்திவிடும். (நம் உருவத்தை நாமே நம்ப முடியாத அளவுக்கு குட்டை நெட்டையாக காட்டும்).
வெளியூர்களில் இருந்து வரும் சுற்றுலா பயணிகள், கல்லூரி, பள்ளிக்கூட மாணவ_மாணவிகள் இந்த காட்சிக்கூடத்தை பார்க்காமல் ஊர் திரும்பமாட்டார்கள். அந்த அளவுக்கு அது பிரசித்தி பெற்று விளங்குகிறது.
ஜி.டி.நாயுடுவின் அயராத உழைப்புக்கும், கண்டுபிடிப்புக்கும் சான்று கூறுவது போல அது அமைந்திருக்கிறது

இதற்காக உருவாக்கப்பட்டுள்ள விசாரணைக்குழுவினர் மங்களூரில் முகாமிட்டு விபத்து நடந்த இடம் மற்றும் ஓடு தள பகுதிகளை ஆய்வு செய்து வருகிறார்கள்.
விபத்து ஏற்பட்டதற்கு விமானி செய்த தவறு காரணமா அல்லது விமானம் தரை இறங்கும்போது தொழில் நுட்ப கோளாறு ஏதேனும் ஏற்பட்டதா? என்பதற்கு இன்னமும் உறுதியான முடிவு கிடைக்கவில்லை. விமான கருப்புப்பெட்டிகளில் ஆய்வு செய்தால்தான் விபத்துக்கான உண்மையான காரணத்தை கண்டுபிடிக்க முடியும் என்ற நிலை நிலவுகிறது.
விபத்துக்குள்ளான போயிங் 737 ரக விமானத்தில் சிவிஆர் என்றழைக்கப்படும் விமானியின் உரையாடல் பதிவு கருவி, டிஎப்டிஆர் என்றழைக்கப்படும் விமான இயக்கத்தை பதிவு செய்யும் தொழில்நுட்ப கருவி ஆகிய 2 கருவிகள் உண்டு. இந்த 2 கருவிகளும் கருப்புப்பெட்டிகள் என்றழைக்கப்படுகிறது.
கடந்த ஞாயிற்றுக்கிழமை இந்த கருப்புப்பெட்டிகளை தேடும் பணி தொடங்கியது. அன்று சிவிஆர் கருப்புப்பெட்டி சிக்கியது. இதில் விமானியின் கடைசி நிமிட உரையாடல்கள், விமான அறையில் எழுந்த சத்தங்கள் அனைத்தும் பதிவாகி இருக்கும்.
டிஎப்டிஆர் கருப்புப்பெட்டி மட்டும் கிடைக்காமல் இருந்தது. டெல்லியில் இருந்து வந்த விமான இயக்குனரக அதிகாரிகள் விபத்து நடந்த இடத்தை சல்லடை போட்டுத்தேடினார்கள். 4-வது நாளாக இன்று காலை 9 மணிக்கு கருப்புப்பெட்டியை தேடினார்கள்.
காலை 9.55 மணிக்கு டிஎப்டிஆர் கருப்புப்பெட்டியை அதிகாரிகள் கண்டு பிடித்தனர். 72 மணி நேர தேடுதலுக்குப்பிறகு இந்த கருப்புப்பெட்டி கிடைத்துள்ளது. விபத்து நடந்த பகுதியில், இடம் மாறி விமான சிதைவுகளுக்குள் போய் சிக்கியதால், இந்த கருப்புப்பெட்டி கிடைப்பதில் தாமதம் ஏற்பட்டதாக அதிகாரிகள் கூறினார்கள்.
டிஎப்டிஆர் கருப்புப் பெட்டிதான் மிக, மிக முக்கியமானதாக கருதப்படுகிறது. ஏனெனில் இந்த கருவியில்தான் விமானம் எவ்வளவு வேகத்தில் வந்தது? எந்த கோணத்தில் இருந்து தரை இறங்கியது? விமானத்தில் எவ்வளவு எரிபொருட்கள் இருந்தது? காற்றின் வேகம், நீர்ப்பதம் எவ்வளவு இருந்தது? என்பன போன்றவை பதிவாகி இருக்கும்.
இவை தவிர விமான என்ஜின்கள் எப்படி செயல் பட்டன? மற்ற கருவிகள் எத்தகைய நிலையில் இயங்கின? ஆகியவையும் இந்த கருப்புப் பெட்டியில்தான் பதிவாகும்.
விமானம் ஏன் தறி கெட்டு ஓடியது? மீண்டும் உயரே கிளம்பியதா? ஆகிய கேள்வி களுக்கு இந்த கருப்புப்பெட்டியில்தான் விடை உள்ளது. விமானி விமானத்தை 1,500 அடி தூரத்தில் தரை இறக்குவதற்கு பதில் 3 ஆயிரம் அடியை கடந்து சென்று தரை இறக்கி விட்டதாக ஒரு குற்றச்சாட்டு தெரிவிக்கப்பட்டுள்ளது. அதற்கும் டிஎப்டி ஆர் கருப்புப்பெட்டியில் விடை கிடைக்கும்.
இந்த கருப்புப்பெட்டி இன்று உடனடியாக டெல்லிக்கு எடுத்துச் செல்லப்பட்டது. அங்கு விமான இயக்கு னரக அதிகாரிகள் ஆய்வு நடத்துவார்கள். 15 நாட்களில் இந்த ஆய்வு முடிவு தெரியவரும்.
அந்த ஆய்வறிக்கை பின்னர் அமெரிக்காவில் உள்ள போயிங் விமான தயாரிப்பு நிறுவனத்துக்கு அனுப்பி வைக்கப்படும். அவர்களும் இதுபற்றி ஆராய்ச்சி செய்வார்கள். இந்த ஆய்வு முடிவுகள் தெரிய சுமார் 6 மாதம் கூட ஆகலாம் என்று தெரிகிறது.
இன்று கண்டெடுக்கப்பட்ட கருப்புப்பெட்டி முழுமையாக சேதம் அடையாமல் கிடைத்துள்ளது. எனவே ஆய்வு முடிவில் எல்லா தகவல்களும் கிடைக்க வாய்ப்பு உள்ளது.

இப்படி, எல்லா வேலைகளையும் இழுத்துப்போட்டு செய்த அவர் யார்? ஒரு வேளை மருத்துவமனை ஊழியராக இருப்பாரா? இல்லை, சேவை அமைப்பை சேர்ந்தவரா? என்ற சந்தேகம் எழுந்தது. அவரிடம் விசாரித்தபோது, அவர் மங்களூர் அருகே உள்ள மஞ்ஜேஷ்வர் நகரை சேர்ந்த அப்துல் ஹமீத் அலி (60) என்று தெரிந்தது. ‘‘மக்கள் வேதனையில் அலறி துடித்துக் கொண்டிருக்கும் போது வீட்டில் ஓய்வு எடுக்க என்னால் முடியவில்லை. இதனால், உடனடியாக உதவ புறப்பட்டேன். 60 சடலங்களை வேனில் இருந்து இறக்கி சவக்கிடங்கில் வைத்தேன்’’ என்று அப்துல் ஹமீத் அலி கூறினார்.

அதுபோன்ற சாக்லேட்டை உலகின் மிகப் பெரிய சாக்லேட் தயாரிப்பு நிறுவனமான ஆக்டிகோவா அறிமுகம் செய்கிறது. தோல் பாதிப்புகளைத் தடுக்கும் பொருளாக ப்ளேவோனால் கருதப்படுகிறது. அது அதிகமுள்ள இயற்கையான பொருட்களை கலந்து தயாரிக்கப்படும் சாக்லேட்டை சாப்பிடுவதால் தோல் சுருக்கங்களைக் குறைக்கலாம். சாக்லேட்டுக்கு முக்கியத் தேவையான கோகோவில் ப்ளேவோனால் அதிகம் உள்ளது. எனவே, தினமும் 20 கிராம் அளவுக்கு சாக்லேட் சாப்பிடுவதால் தோல் சுருக்கங்களை தடுக்க முடியும். கோகோவில் அதிமுள்ள ப்ளேவோனால், தோலின் ஈரத்தன்மை போகாமல் காத்து, விரிந்ததும் பழைய நிலைக்கு வரும் திறனை அதிகரிக்கிறது. இதனால், தோலில் சுருக்கங்கள் ஏற்படாது. தோல் சுருக்கங்கள்தான் வயதான தோற்றத்தை ஏற்படுத்துகின்றன. சுருக்கங்கள் தவிர்க்கப்படுவதால், வயதாவதைத் தள்ளிப் போட முடியும். புகை பிடித்தல், சுற்றுச்சூழல் மாசு, காபியில் உள்ள காபைன், தூக்கமின்மை ஆகியவைதான் வயதாவதை விரைவுபடுத்துகின்றன. இந்த பிரச்னைகளை சந்திப்பவர்கள் தினமும்
 20 கிராம் சாக்லேட் சாப்பிட்டால், வயதான தோற்றத்தை தள்ளிப் போடலாம்.அதிக கோகோ கொண்ட டார்க் சாக்லேட், ரத்த அழுத்தத்தை குறைக்கும், பக்கவாத ஆபத்தைத் தடுக்கும்.

முகேஷ் அம்பானிக்கு சொந்தமான ரிலையன்ஸ் இண்டஸ்ட்ரீஸ் உலகிலேயே மிகப்பெரிய எண்ணெய் சுத்திகரிப்பு நிறுவனம். கடந்த நிதியாண்டில் மட்டும் 29 ஆயிரம் கோடி ரொக்க லாபம் ஈட்டிய நிறுவனம். அனிலுக்கு சொந்தமான ‘அடாக்’ குழுமம், நிதி, தொலைத் தொடர்பு, பொழுதுபோக்கு போன்ற வேகமாக வளர்ந்து வரும் துறைகளில் நிறுவனங்களைக் கொண்டது. பாகப் பிரிவினை நடந்து முடிந்த கடந்த 5 ஆண்டுகளில் இந்த இரு சகோதரர்களும் நிறுவன வளர்ச்சிக்கு செலவிட்ட நேரத்தை விடவும் அடுத்தவர் வளர்ச்சியை தடுக்கவும் கோர்ட், கேஸ் என பிரச்னை கொடுக்கவும் செலவிட்ட நேரம்தான் அதிகம். இதற்கு முத்தாய்ப்பாக எரிவாயு விலை நிர்ணய பிரச்னை வந்தது. இந்த நிலையில்தான் அம்பானிகளின் தாய் கோகிலா பென் இந்தப் பிரச்னையில் தலையிட்டார். எங்கு, எப்போது பேச்சு வார்த்தை நடந்தது என்ற எந்த விவரமும இல்லை. திடீரென இரு சகோதரர்களும் இணைந்து, சமாதான அறிக்கை வெளியிட்டனர். இந்திய தொழில் உலகமே நிம்மதி பெருமூச்சு விட்டது. புதிய ஒப்பந்தப்படி, ஒருவர் தொழிலில் மற்றொருவர் ஈடுபடக்கூடாது என்ற விதிமுறை நீக்கப்பட்டுள்ளது. இதனால் பல ஆயிரம் கோடி புதிய முதலீடுகள் தொழில் துறையில் குவியும். போட்டிபோட்டுக் கொண்டு இரு தொழில் குழுமமும் வளரும். சிறு முதலீட்டாளர்களை அதிகம் கொண்ட இரு ரிலையன்ஸ் குழுமங்களின் முதலீட்டாளர்களும் அதிக பலனை பெறுவார்கள். போட்டி, பொறாமையை மறந்து தொழிலில் கவனம் அதிகரிக்கும். அதனால்தான் பிரதமர், நிதி அமைச்சர், நிறுவன விவகாரத் துறை அமைச்சர் என அனைவருமே இந்த ஒற்றுமை அறிக்கையை வரவேற்று மகிழ்ச்சி தெரிவித்துள்ளனர். வளர்ச்சிக்கு போட்டி அவசியம். போட்டி வரும்போதுதான் பொருளாதாரமும் வளரும். அதை இனி எதிர்பார்க்கலாம்.

உங்கள் பலம் பலவீனத்தை உணர்வீர்கள். மனைவி வழி உறவினர்கள் மதிப்பார்கள். அரசு காரியங்கள் சாதகமாக முடியும். புது வேலை அமையும். வியாபாரத்தில் வேலையாட்கள் ஒத்துழைப்பார்கள். உத்யோகத்தில் சக ஊழியர்கள் மதிப்பார்கள். திறமைகள் வெளிப்படும் நாள்.

ரிஷபம்:
பிள்ளைகளின் பெருமைகளை மற்றவர்களிடம் சொல்லி மகிழ்வீர்கள். உறவினர்கள், நண்பர்களால் ஆதாயம் உண்டு. வழக்கில் வெற்றி பெறுவீர்கள். வியாபாரத்தில் சில மாற்றங்கள் செய்வீர்கள். உத்யோகத்தில் சில நுணுக்கங்களை கற்றுக் கொள்வீர்கள். அமோகமான நாள்.

மிதுனம்:
குடும்பத்தில் உங்கள் கை ஒங்கும். நீண்ட நாள் பிரார்த்தனைகளை நிறைவேற்றுவீர் கள். அக்கம், பக்க வீட்டாரின் அன்புத் தொல்லைகள் நீங்கும். வியாபாரத்தில் புது பங்குதாரரை சேர்ப்பீர்கள். உத்யோகத்தில் புது முயற்சிகளை மேற்கொள்வீர்கள். கனவு நனவாகும் நாள்.

கடகம்:
நட்பு வட்டம் விரியும். அரசு அதிகாரிகளின் உதவியால் சில காரியங்களை முடிப்பீர் கள். தாயாருடன் கருத்து மோதல்கள் வந்து நீங்கும். தொழிலில் லாபம் அதிகரிக்கும். உத்யோகத்தில் சூழ்ச்சிகளை தாண்டி முன்னேறுவீர்கள். எதிர்பார்ப்புகள் பூர்த்தியாகும் நாள்.

சிம்மம்:
கம்பீரமாக பேசி சில காரியங்களை முடிப்பீர்கள். உடன்பிறந்தவர்கள் உறுதுணையாக இருப்பார்கள். அதிகாரப் பதவியில் இருப்பவர்கள் உதவுவார்கள். வியாபாரத்தில் புது யுக்திகளை கையாளுவீர்கள். உத்யோகத்தில் அதிகாரிகளுக்கு நெருக்கமாவீர்கள். வெற்றி பெறும் நாள்.

கன்னி:
கடந்த இரண்டு நாட்களாக இருந்த சோர்வு நீங்கி சுறுசுறுப்பாவீர்கள். குடும்பத்தில் நிம்மதி உண்டு. பணவரவு திருப்தி தரும். உடல் நலம் சீராகும். வியாபாரத்தில் புதிய முயற்சிகள் பலிதமாகும். உத்யோகத்தில் பணிகளை விரைந்து முடிப்பீர்கள். தடைப்பட்ட வேலைகள் முடியும் நாள்.

துலாம்:
ராசிக்குள் சந்திரன் செல்வதால் ஒரே நேரத்தில் இரண்டு, மூன்று வேலைகளை இழுத்துப் போட்டு பார்க்க வேண்டி வரும். மற்றவர்களுடன் உங்களை ஒப்பிட்டுக் கொண்டிருக்க வேண்டாம். உங்களின் அணுகு முறையை மாற்றுங்கள். உத்யோகத்தில் முக்கிய கோப்புகளை கையாளும் போது அலட்சியம் வேண்டாம். பொறுமைத் தேவைப்படும் நாள்.

விருச்சிகம்:
குடும்பத்தினரை அனுசரித்துப் போங்கள். வெளிவட்டாரத்தில் விமர்சனங்களை தவிர்ப்பது நல்லது. திடீர் பயணங்களும், செலவுகளும் வந்துப் போகும். வியாபாரத்தில் ஒரளவு லாபம் வரும். உத்யோகத்தில் மேலதிகாரியுடன் மோதல்கள் வேண்டாமே. தடைகளை தாண்டி முன்னேறும் நாள்.

தனுசு:
தன்னம்பிக்கையுடன் பொதுக் காரியங்களில் ஈடுபடுவீர்கள். பிள்ளைகளால் சமூக அந்தஸ்து உயரும். பிரபலங்களால் ஆதாயம் உண்டு. வியாபாரத்தில் புது இடத்திற்கு கடையை மாற்றுவீர்கள். உத்யோகத்தில் உங்களின் புதிய முயற்சிகளை அதிகாரி பாராட்டுவார். மதிப்புக் கூடும் நாள்.

மகரம்:
பழைய இனிய சம்பவங்கள் நினைவுக்கு வரும். சொந்த,பந்தங்கள் வீடு தேடி வருவார்கள். வெளிவட்டாரத்தில் மதிக்கப்படுவீர்கள். வியாபாரத்தில் எதிர்பாராத தன லாபம் உண்டு. உத்யோகத்தில் சக ஊழியர்களுக்கு உதவுவீர்கள். பெருந்தன்மையுடன் நடந்துக் கொள்ளும் நாள்.

கும்பம்:
கடந்த இரண்டு நாட்களாக கணவன், மனைவிக்குள் இருந்த மனக்கசப்பு நீங்கும். கேட்ட இடத்தில் உதவிகள் கிடைக்கும். பூர்வீக சொத்து பிரச்னைக்கு தீர்வு காண்பீர்கள். வியாபாரத்தில் எதிர்பார்த்த லாபம் வரும். உத்யகத்தில் புது வாய்ப்புகள் தேடி வரும். தடைகள் உடைபடும் நாள்.

மீனம்:
சந்திராஷ்டமம் தொடங்குவதால் மனஉளைச்சல் அதிகரிக்கும். குடும்பத்தில் பல விஷயங்களையும் நீங்கள் பார்க்க வேண்டி வரும். விமர்சனங்களைக் கண்டு அஞ்சாதீர்கள். வியாபாரத்தில் வசூல் மந்தமாக இருக்கும். உத்யோகத்தில் அதிகாரிகளுடன் மனப் போர் வந்து நீங்கும். சகிப்புத் தன்மை தேவைப்படும் நாள்.

விக்ருதி வருடம்,
வைகாசி மாதம் 11ம் நாள், செவ்வாய் கிழமை,
வளர்பிறை. துவாதசி திதி காலை மணி 8.30 வரை; பிறகு, திரயோதசி திதி. சித்திரை நட்சத்திரம் மதியம் மணி 1.33 வரை; பிறகு, சுவாதி நட்சத்திரம். நேத்திரம், ஜீவனுள்ள சித்தயோகமுடைய சமநோக்கு நாள். பிரதோஷ விரதம்.
நல்ல நேரம்:
காலை மணி 8.00 to 9.00, மதியம் 12.00 to 1.00, இரவு 7.00 to 8.00 மணி வரை.
பொதுப் பலன்:
தற்காப்புக் கலைகள் பயில, விவாதங்களில் கலந்துக் கொள்ள நன்று.
ராகுகாலம்:3.00 to 4.30
எமகண்டம்:9.00 to 10.௩௦
மேற்கண்ட நேரங்களில்  புதிய முயற்சிகளையும்,வீண் வாக்குவாதங்களையும்

தவிர்க்கவும்
சந்திராஷ்டமம்: உத்திரட்டாதி,ரேவதி
மேற்கண்ட நட்சத்திரகாரர்கள் புதிய முயற்சிகளையும்,வீண் வாக்குவாதங்களையும்
தவிர்க்கவும்

இவருக்கும் அதே பகுதியை சேர்ந்த தொழில் அதிபர் சாரப் கத்வாடியா (28)- வுக்கும் காதல் மலர்ந்தது. அப்போது பவிகாவுக்கு கருப்பை இல்லை என்று தெரிந்தும் சாரப் திருமணம் செய்து கொண்டார்.
திருமணத்திற்கு பிறகு இருவரும் வாடகைத்தாய் முறையில் குழந்தை பெற்றுக் கொள்ள முடிவு செய்தனர்.
இது பற்றி அவர்கள் சூரத்தை சேர்ந்த பிரபல குழந்தையின்மை சிகிச்சை நிபுணர் டாக்டர் பூர்ணிமா நட்சன்னியை சந்தித்து ஆலோசனை கேட்டனர். அவரது ஆலோசனைப்படி வாடகைத்தாயை தேடி வந்தனர். ஆனால் அவர்களுக்கு உடனடியாக கிடைக்கவில்லை. இதனால் இருவரும் சோகத்தில் மூழ்கினர்.
இதை அறிந்த பவிகாவின் தயார் ஷோபனா, வாடகைத்தாயாக இருக்க ஒப்புக்கொண்டார். இதை கேட்டதும் பவிகா மகிழ்ச்சி அடைந்தார்.
இதையடுத்து டாக்டர் பூர்ணிமா சாரப்பின் உயிரனுவை பரிசோதனை கூடத்தில் பாதுகாப்பாக வைத்து, பின்னர் அதை நவீன சிகிச்சை மூலம் ஷோபனா வயிற்றில் செலுத்தி கருத்தரிக்க செய்யப்பட்டது.
இதில் அவரது கருப்பையில் 3 குழந்தைகள் உருவானது. இதனால் குஷியான பவிகா தனது கணவரின் கருவை சுமக்கும் தாயாரை நன்றாக கவனித்தார். இந்நிலையில் ஷோபனா சூரத் ஆஸ்பத்திரியில் 3 குழந்தைகளையும் நல்ல முறையில் பெற்றெடுத்தார்.
இதன் மூலம் இந்தியாவிலேயே மகளுக்காக 3 குழந்தைகள் பெற்ற முதல் தாய் என்ற சாதனை படைத்துள்ளார்.
இது பற்றி பவிகா கூறும்போது, பிறந்த முதலே எனக்கு கருப்பை இல்லாததால் யார் என்னை திருமணம் செய்வார்கள் என்ற கவலையில் இருந்தேன். இந்த உண்மை தெரிந்தும் என் கணவர் சாரப் என்னை திருமணம் செய்தார்.
நாங்கள் வாடகைத்தாய் மூலம் குழந்தை பெற திட்டமிட்டோம். ஆனால் யாருமே கிடைக்கவில்லை. சில வாடகைத்தாய்கள் லட்சக்கணக்கில் பணம் கேட்டனர்.
எங்களின் இந்த நிலையை அறிந்த தாயார் “நான் வாடகைத்தாயாக இருந்து உனக்கு குழந்தை பெற்றுத் தருகிறேன்” என்றார். அதன்படியே 3 குழந்தை களை பெற்றுக்கொடுத்தார். என்னை வயிற்றில் சுமந்த என் தாயாரே என் குழந்தைகளையும் சுமந்தது மறக்க முடியாத ஒன்று. அவர் எனக்கு தாயாக கிடைத்திருப்பது நான் செய்த புண்ணியம் என்றுதான் சொல்ல வேண்டும்” என்றார்.
ஷோபனா கூறும்போது, என் மகளின் குழந்தைகளை நான் சுமந்ததை பெருமையாக நினைக்கிறேன். நான் பெற்ற இந்த 3 குழந்தைகளையும் என் அன்பு மகளுக்கு பரிசாக அளிக்கிறேன்” என்றார்.

தமிழகத்தில் கடந்த 2003ம் ஆண்டு நவம்பரில், மதுபான சில்லரை விற்பனை கடைகளை அரசு நிறுவனமான டாஸ்மாக் நிறுவனமே ஏற்று நடத்த முடிவு செய்தது. அதன்படி டாஸ்மாக் நிர்வாகத்தின் கீழ் மாநிலம் முழுவதும் 6699 மதுபானக் கடைகள் திறக்கப்பட்டன. இதில் பள்ளிகள், வழிபாட்டு தலங்கள் அருகில் இருப்பதாக எழுந்த புகாரின் பேரில் மாநிலம் முழுவதும் 178 கடைகள் மூடப்பட்டன. டாஸ்மாக் கடைகளில் மேற்பார்வையாளர்கள், விற்பனையாளர்கள், உதவியாளர்கள் என 35 ஆயிரம் பேர் வேலைவாய்ப்பு அலுவலகம் மூலம் தேர்வு செய்யப்பட்டு நியமிக்கப்பட்டனர்.
ஒவ்வொரு ஆண்டும் ரூ.1000 கோடி முதல் ரூ.1500 கோடி வரை ஏலம் மூலம் தனியாருக்கு டெண்டர் விட்ட போது கிடைத்த வருமானத்தை விட நேரடியாக அரசே டாஸ்மாக் கடைகளை நடத்தியதால் பலமடங்கு கூடுதலாக வருமானம் கிடைத்தது.
உதாரணமாக 2003&04ம் ஆண்டில் தனியார் மூலம் மதுக்கடைகள் நடத்தப்பட்ட போது கலால்வரி மூலம் ரூ 1,657.10 கோடி, விற்பனை வரி மூலம் ரூ1,982.83 கோடி என மொத்தம் ரூ.3639.93 கோடி வருவாய் கிடைத்தது.
ஆனால் டாஸ்மாக் மூலம் மதுக்கடைகளை அரசே நடத்த துவங்கிய பிறகு 2004ம் ஆண்டில் கலால் வரியாக ரூ.2549.00 கோடி மற்றும் விற்பனை வரியாக ரூ.2323.03 கோடி என மொத்தம் ரூ.4872.03 கோடி வருவாய் கிடைத்தது.
இது முந்தைய ஆண்டைவிட ரூ.1232 கோடியே 10 லட்சம் கூடுதல் வருவாயாகும். இதேபோல் ஒவ்வொரு ஆண்டும் டாஸ்மாக் மதுபானக் கடைகள் மூலம் வருவாய் அதிகரித்து வந்தது. கடந்த 7 ஆண்டுகளில் அரசுக்கு 4 மடங்கு கூடுதல் வருவாய் கிடைத்துள்ளது.
அதாவது 2004&05ம் ஆண்டு ரூ.4872 கோடி லாபம் கிடைத்த நிலையில் தற்போது அது ரூ.12,491.53 கோடியாக உயர்ந்துள்ளது.
மேலும் தமிழகம் முழுவதும் பார் ஏலம், கடைகளில் உள்ள காலி பாட்டில்கள், அட்டை பெட்டிகள் ஏலம் விடப்பட்டதன் மூலம் ரூ.500 கோடிக்கு மேல் வருவாய் கிடைக்கிறது. கிட்டத்தட்ட கடந்த 15 ஆண்டுகளில் மதுபானங்கள் 10 மடங்கு விற்பனை உயர்ந்துள்ளது.
கடந்த 2008&09ம் ஆண்டு டாஸ்மாக் கடைகள் மூலம் கலால், விற்பனை வரியாக அரசுக்கு ரூ.10,601.50 கோடி கிடைத்த நிலையில் 2009&10ம் ஆண்டு ரூ.12,401.53 கோடி கிடைத்துள்ளது. மொத்தம் ரூ.1889.97 கோடி ரூபாய் கூடுதல் வருவாய் கிட்டியுள்ளது.
மேலும் காலி பாட்டில்கள், அட்டைப் பெட்டிகள், பார் டெண்டர் உள்ளிட்ட இனங்கள் மூலம் ரூ.500 கோடிக்கு மேல் கிடைத்துள்ளதால் தமிழக அரசுக்கு டாஸ்மாக் கடைகள் மூலம் 2 ஆயிரத்து 500 கோடி ரூபாய் வரை இந்த ஆண்டு வருவாய் கிடைத்துள்ளது குறிப்பிடத்தக்கது.

முதல் நாள் வசூல் ரூபாய் 23 கோடி ரூபாய் குவித்துள்ளது.
இதற்கு முன் அமீர்க்ஹானின் 3 இடியட்ஸ் திரைப்படம் முதல் நாளில் 24 நாளில்
கோடி குவித்து முதலிடம் பிடித்தது.ரூபாய் 23 கோடி வசூலுடன் "கைட்ஸ்"
இரண்டாம் இடம் பிடித்துள்ளது. இந்தியாவில் 2000 தியேட்டர்களிலும்,வெளி நாடுகளில் 500 தியேட்டர்களிலும் "கைட்ஸ்" ரிலீஸ் ஆகி உள்ளது.

வெளிவட்டாரத்தில் அந்தஸ்து உயரும். பிள்ளைகளின் உயர்கல்விக்காக செலவு செய்வீர்கள். சகோதரவகையில் ஆதாயமுண்டு. வியாபாரத்தில் அதிரடியான செயல்களால் போட்டிகளை சமாளிப்பீர்கள். உத்யோகத்தில் மூத்த அதிகாரி பாராட்டுவார். உற்சாகமான நாள்.

ரிஷபம்:
குடும்பத்தில் நிலவி வந்த ஒருவித மனப்போர் விலகும். தொல்லை தந்த கடனில் ஒருபகுதியை தந்து முடிப்பீர்கள். சகோதரர் பாசமழை பொழிவார். வியாபாரத்தில் பழைய சரக்குகள் விற்றுத் தீரும். உத்யோகத்தில் தடைபட்ட பணிகள் முழுமையடையும். பரபரப்பான நாள்.

மிதுனம்:
பேச்சால் திட்டமிட்ட காரியங்களை சிறப்பாக செய்து முடிப்பீர்கள். குடும்பத்தில் உங்களின் கருத்துகளை ஏற்றுக் கொள்வார்கள். தந்தைவழி உறவினர்கள் பாராட்டுவார்கள். வியாபாரத்தில் பாக்கிகள் வசூலாகும். உத்யோகத்தில் உங்களின் திறமை வெளிப்படும். மன நிம்மதியடையும் நாள்.

கடகம்:
தடுமாறிக் கொண்டிருந்த சில வேலைகள் தானாகவே முடியும். வீட்டில் சுபகாரிய பேச்சுவார்த்தைகள் வரும். சொத்துப் பிரச்னையில் நல்ல தீர்வு கிடைக்கும். வியாபாரத்தில் வேலையாட்களை தட்டிக் கொடுத்து வேலை வாங்குவீர்கள். உத்யோ கத்தில் உங்கள் கை ஓங்கும். திடீர் யோகம் கிட்டும் நாள்.

சிம்மம்:
நெடுநாட்களாக நினைத்திருந்த காரியங்கள் இப்போது கைகூடி வரும். சொத்துப் பிரச்னைகள் தீரும். வெளியூர் பயணங்களால் ஆதாயம் உண்டு. அதிகாரப் பதவியில் இருப்பவர்கள் உதவுவார்கள். வியாபாரத்தில் புதிய சரக்குகள் கொள்முதல் செய்வீர்கள். உத்யோகத்தில் மகிழ்ச்சி தங்கும். சாதிக்கும் நாள்.

கன்னி:
ராசிக்குள் சந்திரன் தொடர்வதால் உங்களை அறியாமலேயே தாழ்வு மனப்பான்மை தலை தூக்கும். வாகனத்தில் செல்லும் போதும், சாலையை கடக்கும் போதும் கவனம் தேவை. செரிமானக் கோளாறு வந்து நீங்கும். வியாபாரத்தில் ரகசியங்களை வெளியிட வேண்டாம். உத்யோகத்தில் அதிகாரிகள் குறை கூறுவார்கள். போராட்டமான நாள்.

துலாம்:
இங்கிதமாகப் பேசி கடினமான காரியங்களையும் சாதிப்பீர்கள். விலை உயர்ந்த பொருட்கள் வாங்குவீர்கள். கணவன்,மனைவிக்குள் நெருக்கம் உண்டாகும். பழைய உறவினர்கள், நண்பர்கள் வீடு தேடி வருவார்கள். வியாபாரத்தில் சுமுகமான லாபம் உண்டு. உத்யோகத்தில் மகிழ்ச்சி தங்கும். எண்ணங்கள் ஈடேறும் நாள்.

விருச்சிகம்:
எதிர்பார்த்த வகையில் உதவி கிடைக்கும். பிள்ளைகளின் உடல்நிலை சீராகும். உடன்பிறந்தவர்களால் மகிழ்ச்சி கிட்டும். கல்யாணப் பேச்சுவார்த்தை சாதகமாக முடியும். வியாபாரத்தில் பழைய பங்குதாரர்களை மாற்றுவீர்கள். உத்யோகத்தில் சக ஊழியர்கள் மதிப்பார்கள். திறமைகள் வெளிப்படும் நாள்.

தனுசு:
நீண்டநாள் கனவு நனவாகும். குடும்பத்தில் சந்தோஷம் நிலைக்கும். மகளுக்கு நல்ல வரன் அமையும். எதிர்பாராத உதவி கிட்டும். நண்பர்கள் உங்களை புரிந்து கொள்வார்கள். வியாபாரத்தில் புதிய வாடிக்கையாளர்கள் தேடி வருவார்கள். மனசாட்சிப்படி செயல்படும் நாள்.

மகரம்:
சோர்வு நீங்கி துடிப்புடன் செயல்படத் தொடங்குவீர்கள். பிள்ளைகளுடன் மனம் விட்டுப் பேசி மகிழ்வீர்கள். கல்யாண முயற்சிகள் பலிதமாகும். வேற்றுமதத்தவர் நண்பர்களாவார்கள். வியாபாரத்தில் அனுபவமிக்க வேலையாட்களை தேடுவீர்கள். உத்யோகத்தில் மகிழ்ச்சியுண்டு. புதிய திட்டங்கள் நிறைவேறும் நாள்.

கும்பம்:
சந்திராஷ்டமம் நீடிப்பதால் உணர்ச்சி வசப்படாமல் அறிவுப் பூர்வமாக முடிவெடுக்கப் பாருங்கள். குடும்பத்தில் வீண் விவாதங்கள் வேண்டாம். திடீர் செலவு வரும். வியாபாரத்தில் வேலையாட்களால் டென்ஷன் அதிகரிக்கும். உத்யோகத்தில் உங்களைப்பற்றி வதந்திகள் வரும். விட்டுக் கொடுக்க வேண்டிய நாள்.

மீனம்:
குடும்பத்தினர் உங்கள் ஆலோசனையை ஏற்றுக் கொள்வார்கள். சகோதரர்களால் பயனடைவீர்கள். வெளிவட்டாரத்தில் செல்வாக்கு கூடும். வியாபாரத்தில் புது யுக்திகளை கையாளுவீர்கள். உத்யோகத்தில் உங்களின் திறமையைக் கண்டு மேலதிகாரி வியப்பார். பரபரப்பான நாள்.

விக்ருதி வருடம்,
வைகாசி மாதம் 10ம் நாள், திங்கட் கிழமை,
வளர்பிறை. ஏகாதசி திதி காலை மணி 10.15 வரை; பிறகு, துவாதசி திதி. அஸ்தம் நட்சத்திரம் மதியம் மணி 2.27 வரை; பிறகு, சித்திரை நட்சத்திரம். நேத்திரம், ஜீவன் நிறைந்த சித்தயோகமுடைய சமநோக்கு நாள்.
நல்ல நேரம்:
காலை மணி 6.00 to 7.00,  9.00 to10.30, மதியம் 1.00 to 2.00,
மாலை 3.00 to 4.00, இரவு 6.00 to 9.00 மணி வரை.
பொதுப் பலன்:
திருமணம், சீமந்தம், உபநயனம், நிச்சயதார்த்தம் செய்ய, புது மனை புக, வாகனம், வீடு, மனை வாங்க, குழந்தைக்கு பெயர் சூட்ட, குழந்தைக்கு அன்னம் ஊட்ட, வங்கிகளில் சேமிப்பு கணக்கு தொடங்க, வியாபாரம் தொடங்க, புது வேலையில் சேர, தாலிக்குப் பொன் உருக்க, பயணம் தொடங்க நன்று.
ராகு காலம் : 7.30 to 9.00
எமகண்டம் :10.30 to 12.00
மேற்கண்ட நேரங்களில் புதிய முயற்சிகளை தவிர்க்கவும்.
சந்திராஷ்டமம்: பூரட்டாதி, உத்திரட்டாதி நட்சத்திரங்கள்
மேற்கண்ட நேரங்களில் புதிய முயற்சிகளையும்,வீண்வாக்குவாதங்களையும்
தவிர்க்கவும்.

பி.டி.உஷாவின் சொந்த ஊர் கேரள மாநிலம் கோழிக்கோடு அருகில் உள்ள பையோலி. 1964_ம் ஆண்டு ஜுன் 27_ந்தேதி பிறந்தார். பிலவுல்லகண்டி தெக்கிபரம்பில் உஷா என்பதே அவரது முழுப்பெயராகும்.
சிறு வயது முதலே விளையாட்டில் ஆர்வம் கொண்டிருந்த உஷா, 1979_ல் தடகளம் போட்டிகளில் பங்கேற்க தொடங்கி னார். 1980_ல் சர்வதேச அரங்கில் நுழைந்தார்.
1982_ல் டெல்லியில் 9_வது ஆசிய விளையாட்டுப் போட்டி நடைபெற்றது. இதில் 100 மீட்டர், 200 மீட்டர் ஓட்டப்பந்தயங் களில் பி.டி.உஷா தங்கப்பதக்கம் வெல்வார் என்று ஆவலோடு எதிர்பார்க்கப்பட்டது. ஆனால் உஷா அந்த 2 பந்தயங்களிலும் இரண்டாவது இடத்தில் வந்து வெள்ளிப் பதக்கங்களை பெற்றுக் கொடுத்தார்.
தங்கம் வெல்லும் ஆசை தகர்ந்ததால் பி.டி.உஷா கண்ணீர் வடித்தார். "30 மீட்டர் தூரம் இருக்கும் வரை நானே முதலாவதாக வந்தேன். திடீர் என்று கால்களில் கடுமையான வலி ஏற்பட்டது. நான் தோற்கப்போகிறேன் என்பதை உணர்ந்துவிட்டேன்" என்று உஷா குரல் தழுதழுக்க கூறினார்.
இருப்பினும் ஓட்டப் பந்தயத்தில் அவரே இந்தியாவின் நம்பிக்கை நட்சத்திரமாக திகழ்ந்தார்.
அடுத்து 1984_ல் அமெரிக்காவில் உள்ள லாஸ்ஏஞ்சல்ஸ் நகரில் ஒலிம்பிக் போட்டி நடைபெற்றது. இதில் உஷா 400 மீட்டர் தடை ஓட்ட பந்தய அரை இறுதியில் வென்று இறுதிப்போட்டிக்குள் நுழைந்தார். இதன் மூலம் ஒலிம்பிக் போட்டியில் இறுதிப்போட்டிக்குள் நுழைந்த முதல் இந்திய வீராங்கனை என்ற சிறப்பை பெற்றார்.
ஆனால் இறுதிப்போட்டியில் வெற்றி கை நழுவிப்போனது. மயிரிழையில் வெண்கலப் பதக்கம் கிடைக்காமல் போனது. ஒரு நொடியில் நூற்றில் ஒரு பங்கு பின் தங்கியதால் 4_வது இடத்துக்கு போய்விட்டார்.
என்றாலும் மனம் தளராத பி.டி.உஷா, தனது ஆசிய போட்டி சாதனையை இதன் மூலம் முறியடித்து விட்டதை சொல்லி ஆறுதல் அடைந்தார்.
பிறகு சர்வதேச போட்டிகளில் தொடர்ந்து பங்கேற்ற அவர் 1986_ல் சியோல் நகரில் நடைபெற்ற ஆசிய விளை யாட்டுப் போட்டியில் ஓட்டப்பந்தயத்தில் முழு ஆதிக்கம் செலுத்தி வெற்றி வாகை சூடினார். 200 மீட்டர் ஓட்டம், 400 மீட்டர் ஓட்டம், 400 மீட்டர் தடை ஓட்டம், 4ல400 தொடர் ஓட்டம் ஆகியவற்றில் தங்கம் வென்றார்.
ஒரு வெள்ளிப் பதக்கமும் பெற்றார். இதனை பாராட்டி பி.டி.உஷாவுக்கு மத்திய அரசு ரூ.5 லட்சம் பரிசு வழங்கியது. இதனை மத்திய மந்திரி நரசிம்மராவ் வழங்கினார்.
இந்த நிலையில் பி.டி. உஷாவுக்கு 25_4_1991_ல் திருமணம் நடந்தது. மணமகன் பெயர் சீனிவாசன். மலப்புரம் மாவட்டம் பொன்னானி என்ற இடத்தைச் சேர்ந்தவர். மத்திய தொழில் பாதுகாப்பு படையில் இன்ஸ்பெக்டராக பணியாற்றி வந்தார்.
பி.டி.உஷா _ சீனிவாசன் திருமணம் கோழிக்கோட்டில் உள்ள அடிக்கோடி தேவி மண்டபத்தில் நடைபெற்றது. திருமணத்துக்கு பிறகு உஷா விளையாட்டில் இருந்து 3 ஆண்டுகள் ஓய்வு பெற்றிருந்தார். கணவர் அளித்த ஊக்கத்தின் காரணமாக மீண்டும் 1994_ல் அத்லெடிக் அரங்கில் நுழைந்தார்.
தனது வலிமையை நிரூபித்து பல பதக்கங்கள் வென்றார். ஆசிய போட்டிகளில் மட்டும் 30 பதக்கங்களை பெற்றார். காலில் அவருக்கு தொடர்ந்து வலி ஏற்பட்டதால் ஜகர்த்தாவில் நடந்த ஆசியப் போட்டி மற்றும் சிட்னியில் நடந்த ஒலிம்பிக் போட்டி ஆகியவற்றில் பங்கேற்க முடியாத சூழ்நிலை ஏற்பட்டது. இதனை தொடர்ந்து ஓய்வு எடுத்துக்கொள்ள முடிவு செய்தார்.
25_7_2000 அன்று தனது 36_வது வயதில் பி.டி.உஷா சர்வதேச போட்டிகளில் இருந்து ஓய்வு பெறுவதாக அதிகாரப் பூர்வமாக அறிவித்தார். இதுபற்றி டெல்லியில் அவர் நிருபர்களிடம் தெரிவித்ததாவது:-
"சர்வதேச போட்டிகளில் இருந்து நான் ஓய்வு பெறுகிறேன். கடந்த 20 ஆண்டுகளாக தடகள போட்டிகளில் பங்கேற்றுள்ளேன். இது நீண்ட காலம் ஆகும். உடல் சோர்வு காரணமாக விலகவில்லை. இந்த முடிவு எனக்கு வருத்தம் அளிக்கிறது.
10 ஆண்டுகளுக்கு முன்பு இதே போல அறிவித்து திரும்ப வந்தேன்.ஆனால் இப்போது ஓய்வு பெறுவதே சரியான தருணம் ஆகும். ஒலிம்பிக் போட்டியில் தங்கம் வெல்லவேண்டும் என்ற என் கனவு கை கூடாமல் போனது, எனக்கு ஏமாற்றம்தான்."
என்று கூறினார் தங்க மங்கை.

ஐ.பி.எல். 20 ஓவர் கிரிக்கெட் போட்டி 2008 ம் ஆண்டு தொடங்கப்பட்டது. 8 அணிகள் பங்கேற்ற இந்த போட்டியில் ராஜஸ்தான் ராயல்ஸ் சாம்பியன் பட்டம் பெற்றது.

2009 ம் ஆண்டு நடந்த போட்டியில் டெக்கான் சார்ஜர்ஸ் அணியும், இந்த ஆண்டு நடந்த 3-வது ஐ.பி.எல். போட்டியில் சென்னை சூப்பர் கிங்சும் பட்டம் பெற்றன.
அடுத்த ஆண்டு (2011) நடைபெறும் 4-வது ஐ.பி.எல். போட்டியில் கூடுதலாக 2 அணிகள் பங்கேற்கின்றன. கொச்சி, புனே அணிகள் பங்கேற்பதால் அணிகளின் எண்ணிக்கை 10 ஆக உயர்ந்துள்ளது. இதனால் மொத்த ஆட்டங்களின் எண்ணிக்கை 94 ஆக அதிகரித்துள்ளது.
இதனால் 4-வது ஐ.பி.எல். போட்டி முறையில் மாற்றம் செய்வது தொடர்பாக ஆலோசிக்கப்பட்டு வருகிறது. என்.பி.ஒ. மாதிரி இந்தப் போட்டியை நடத்தலாமா என்று பரிசீலிக்கப்பட்டு வருகிறது.
இதன்படி போட்டியில் பங்கேற்கும் 10 அணிகளும் 2 பிரிவாக பிரிக்கப்படும். இரண்டு பிரிலும் தலா 5 அணிகள் இடம்பெறும். உள்ளூரிலும், வெளியூரிலும் அந்த அணிகள் மோதும். இரண்டு பிரிவிலும் முதல் 3 இடங்களை பிடிக்கும் அணிகள் “சூப்பர் 6 ” சுற்றுக்கு நுழையும்.
இதன் மூலம் ஆட்டங்களின் எண்ணிக்கை குறையும். ஒரு அணி 13 ஆட்டங்களில் மோதும் வகையில் போட்டி அமைக்கப்படலாம் என்று தெரிகிறது.
ஐ.பி.எல். அமைப்பில் உறுப்பினராக இருக்கும் பட்டோடி ஆட்டங்களின் எண்ணிக்கையை குறைக்க வேண்டும் என்று ஏற்கனவே வலியுறுத்தி வருகிறார் என்பது குறிப்பிடத்தக்கது. 1 1